Displaying items by tag: فيروز

شنّت المخرجة  ريما الرحباني هجوماً نارياً على لجنة مهرجانات بعلبك الدولية، وذلك على خلفية الحفل الذي أقامته بعنوان "صوت الصمود".

وفي التفاصيل أنّ الرحباني اعتبرت أنّ اللجنة استخفّت بأسماء الأخوين رحباني وفيروز وصباح وديع الصافي ونصري شمس الدين وملحم بركات وإيلي شويري وهدى.

وعلى حسابها على "فيسبوك"، شاركت الرحباني متابعيها بمنشور جاء فيه: " لجنة ولدنات بعلبك

دخلكن الاخوين مش تنين؟ ما فهمت انا اذا بدكن تعيدوا اي عمل من اعمالن

اولاً مش لازم تاخدوا إذن من التنين؟ وخاصة إنّو من سنتين او تلاتة رحلكن إنذار بهالخصوص؟ وإلا نسيتو؟

تانياً لما تاخدوا عمل تتعيدوه الأصول تعيدوه بصيغتو الأصلية المشرّفة إلكن ولغيركن وأكتر بكتير واللي كرمالا انتو عم تعيدوه والا كيف؟ انو شو بها الموسيقى الأصلية تينعاد توزيعا؟ وسلّمنا جدلاً انّو حابين ينعاد توزيعا، مع اني انا ضد ميّة بالميّة ودايما انا مع الأصليّة، هيك عمل في شي اسمو إذن اولاً لإعادة التوزيع، وفي مسؤولية وفي قيّمين آخرين أولى يوزّعوا ويشيروا ويبدوا رأين هاي مسؤولية كبيرة ما بيقرّرها مين ما كان.

تالتاً لما بدكن تستعملوا صور لفيروز مش لازم تستأذنوها؟

رابعاً مش لازم يكون عندكن الحد الأدنى من اللياقة وتعرفوا حجم كل اسم قديه بيكون؟ لأنو الحجم إلو علاقة بالفعل بلا معلميّة يعني

خامساً صح النوم مش للأخوين؟ وما مرقت عندكن بال ٢٠٠٦؟

سادساً ما فهمنا شو خص المتنبي وكيف سلحب ع الأخوين؟ هيدا كان لازم يمرق فرداوي اذا شي متل البقيّة وإلا قصدكن إعتراف انّو من الأساس ملطوش من الاخوين؟

سابعاً مش كان لازم تستشيرونا بإختيار العمل وفقاً للمناسبة؟ انا يمكن كنت فضّلت جبال الصوان على فخر الدين مؤاتية للوضع أكتر خاصة وإنّو كل الشعب إستشهد ع البوابة من الجوع والسرقة والفحش والبطر تبعكن وتبع الحكّام اللي فوقكن! اللي خرّب البلد هنّي امثالكن اللي بيِنهَبوا الدولة ومال الدولة لتمويل هيك مشاريع ومن جيوب الناس هنّي وفاتك الدولة والفاتك بالدولة وطبعاً فاتك بالجمع يعني فواتك الدولة.. إي

ما بعرف شو قصدكن بفخر الدين بهالمرحلة بالذات وهوّي الدين بالذات اللي قضى ع فخرنا وعلينا مش كورونا والا شفتو الغرب هيك عمل نسختوه لأن هيدا اللي شاطرين فيه النسخ!

ثامناً ما فهمنا ليه نينا سيمون وام كلثوم و و و و بيمرقوا سيدا وفيروز بتمرق يتبع؟ أيّة عبقري فيكن ابتدع هالشي؟

تاسعاً الشحادة ع بعلبك مش من شِيَم الأخوين ولا من شِيَم فيروز

عاشراً مجد بعلبك عملوه فيروز ونصري وصباح ووديع وهدى وملحم بركات وايلي شويري........... مش إنتو اللي عملتوه واكيد مش هونيك جوقة مش عارفة المِنجَيرة من المهَيرة يه يه يه والا بيّي راح اللي طالعة متل فريرو جاكو! والله عيب! الله يرحم مي عريضة!

حادي عشر عدا عن إنّو الاخوين مع كل عبقريتن وإبتكارن وعظمتن ونبوغن وفرادتن و و و..... لولا صوت فيروز وشخص فيروز كانوا كسّروا الأرض صحيح بس محليّا وإن فلقت حالا عربياً يجوز! بس مش عالمياً اكيد وهنّي على فكرة كانوا بيعرفوا تماما هالشي وراضيين وما كان عندن ولا أي مشكلة ما بعرف ليه الآخرين عم يجرّبوا يغيّروا هالواقع بإلحاح وإصرار صار مُمل وصارخ وفاشل اخي حلّوا عن هالارث بقى حلّوا عنّو كفاه تشويه وتحريف! فرجونا عبقريتكن بلاه! ورجونا والله مننبسطلكن وانا اوّل وحدة بزقّفلكن وقوفاً بس ورجونا

بعلبك تهدّمت وإنتو هدّمتوها اكتر

القلعة حجار وشو نفع الحجار بلا ناس

آه يابوي شو كان معك حق برحيل الآلهة عن بعلبك

فعلاً راحوا متل الحلم راحوا

خلّيلكن لبنان الكبير إنتو والمُتعربشين الصغار

زوّرتوا التاريخ زوّرتوا البلد وبأمثالكن الله لا يردّو".

قدّمت الفنانة اللبنانية هبة طوجي منذ أيام معدودة نسخة جديدة من أغنية "طلعت يا محلا نورها" حيث تولّى الموسيقي اللبناني أسامة الرحباني مهمة إنتاجها وتوزيعها بشكل موسيقي أوركسترالي ضخم ومختلف عن كل النسخ الغنائية التي سبق تقديمها لهذا العمل، ومن المعروف أنّ هذه الأغنية سبق وقدّمتها سفيرتنا إلى النجوم فيروز من كلمات وألحان الراحل سيّد درويش، لكن هل تعلم أنّ بعض المؤرّخين الموسيقيّين يُقِرّون بأنّ هذه الأغنية الشهيرة هي في الأصل فلكلور عراقي؟!

لا ينفك بعض المُغرضين عن إطلاق شائعات الوفاة على كبار نجومنا في العالم العربي، ويتم تداول هذه الشائعة كل حين وآخر حول سفيرتنا إلى النجوم السيّدة فيروز وهذا ما أُشيع خلال الساعات الأخيرة لكن "والحمد لله" فيروزتنا بألف خير.

رغم إطلالاتها النادرة جداً، أطلّت سفيرتنا إلى النجوم فيروز في فيديو حديث حيث تظهر فيه وهي تصلّي من أجل العالم في زمن كورونا تحت عنوان "توكّلوا عليه في كلّ حين".

"خلّيك بالبيت"، لعلّها العبارة الأكثر تداولاً بين اللّبنانيّين اليوم في زمن كورونا... في زمن فرض علينا حماية أنفسنا وغيرنا بأنفسنا عبر الإلتزام بقرار المكوث داخل المنزل لتوخّي الحذر من عدوّ العصر المُستَجد والمُؤقَّت ألا وهو وباء كورونا. لكن هذه العبارة غنّتها سفيرتنا إلى النجوم فيروز منذ سنوات عديدة عبر أغنية "خلّيك بالبيت"، وهنا سنرصد تفاصيلها.

إفتتحت النجمة السورية أصالة نصري أولى حلقات الموسم الجديد من برنامج "عائشة شو" عبر شاشة النهار المصرية، وإليكم أبرز ما صرّحت به: