تحدثت النجمة المصرية أنغام عن أزمتها مع والدها، الموسيقار محمد علي سليمان، وقالت إنها لا تستطيع أن تسامحه؛ بسبب خلافاته مع والدتها وهي في طفولتها.
وقالت أنغام خلال حلولها ضيفة مع الإعلامي أنس بوخش، في
برنامجه “ABtalks”، والذي يعرض على يوتيوب: “أنا كنت بحب أبويا جدا ومتعلقة بيه لغاية اللحظة دي.. شفته وهو بيضرب أمي.. وبعدها جه يسلم عليا قلت له لأ”.
تابعت: “عمري ما بنسى الموقف دا أول مرة أبويا مد إيده على أمي وأنا كنت بحب أبويا في طفولتي بشكل هيستيري، هما في اليوم دا معرفوش يداروا، قبل اليوم دا كانت الأمور بالنسبة لي مداريه”.
استطردت: “من بعد اليوم دا زي ما يكونوا سمحوا لنفسهم إن خلاص هي شافت فهنكمل عادي أنا فاكرة كويس أن هو جه يسلم عليا وهو خارج بعد الموقف دا قولتله لا متسلمش عليا ولزقت نفسي في الحيطة ودا كان مستحيل أنا كنت أربع سنين”.
وعن مسامحتها له قالت: “بحاول طول الوقت أسامحه لكن صعب، ومش عايزة أقول كلام مش حاساه ومش عايزة أكذب ومش مضطرة”.
اضافت: “هو بنى صورة مشوهة عني عند الناس، والناس لغاية اللحظة دي بتعاملني على أساس الصورة دي، وبعض الناس بيستغلوها ضدي، وعايشة في ده كل يوم”.
استكملت: “أنا واخدة قرار من زمان إني مش هصلح الصورة المشوهة دي، مش بسبب العند أو الكبر، لكن مش بحب أكذب ولا ألوم حد، ده قدر اتكتب عليا وأنا مسلمة”.
يمكنكم نشر مقتطفات من المقال الحاضر، ما حده الاقصى 25% من مجموع المقال، شرط: ذكر اسم المؤلف والناشر ووضع رابط Aghani Aghani (URL) الإلكتروني الذي يحيل الى مكان مصدر المقال، تحت طائلة تطبيق احكام قانون حماية الملكية الفكرية.
“جوارب ذكية” لحماية المصابين بالخرف!
