أصالة تروج لألبومها المصري “لحقت نفسي” وتحذف منشوراتها على انستغرام

روجت أصالة الفن العربي أصالة نصري لألبومها المصري الجديد بعنوان “لحقت نفسي”، والذي سيضم 6 أغنيات، ومن المفترض صدوره بعد أيام وجيزة.

وشاركت أصالة بوستر الألبوم عبر حساباتها على مواقع التواصل الاجتماعي وعلقت كاتبة: “بقدّملكم لكم كلّ الاوقات الحلوة المليانة محبّه وصحبه وعمل دؤوب لإنجاز مشاهد منّ مواقف من مشاعر ..أغاني بتحكي عنّي وبتحكي عنكم .. عشنا أنا وحبيبي شريكي وصديق الرّوح فايق أيّام طويله بأماكن كتيره لنرسم كلّ صوره وكيف لازم تطلع بأحلى وأطيب مايمكن”.

تابعت “بدي أشكر كلً صديق عزيز موجود إسمه بالأغاني الستّه اللي رح تسمعوها وبعد وقت قليل رح أتبعهم بستّ أغاني بتقديم مختلف .. وشكرا لاخي وسندي انوس وفريق كبير معه بيساندني وبيفكًر لي ..وشركة كبيرة مجتهده رائده بالموسيقى وكتير منّ باقي الفنون بيتي الحنون (روتانا ) وكل اللي فيها يشتغلوا بحب وبتحسّ إنهم ولاد الشّركه الكبار ..وادارة اعمالي صديقي طوني سمعان موجود معي بكلّ صغيره وكبيره وكلّ عيلتي اللي رأيهم بيهمني وكل اصحابي الّلي برّروا غيابي وقدّ ما اشتاقوا لي اشتقت ..الموسيقى وطن رح ننضمّ إله أنتوا وأنا لنسمع نفس الحكايه بذات الوقت”.

أضافت” مابخفيكم خايفه وكأنًي أوًل مرّه رح قدّم لكم أغاني .. كتير تعلّقت بكل أغنية غنّيتها ويمكن فيه أغاني عدتهم أكتر من عشر مرّات وبكلّ مرّه كنت عم دوّر على ستّ أنا بعرفها والقصّة قصّتها وعندا شخصيّه ضروري تكون حلوة والجمال اللي بشوفه فيها بتمنى تشوفوه متلي بتمنّى الأغاني تخلّلي أوقاتكم حلوة .. كلّ المحبّه وكلً الإمتنان على أيّام كتيره ساندتوني فيها وقوًيتوني وفيكم كبرت .. هلّأ أنا عم ردّ محبّتكم بمحبّه بموسيقى بإخلاص بالإبقاء عالإلتزام الّلي منّ خلاله بدينا سوا وكبرنا سوا وكلّنا محبّين الفن وأهله ..الّلي عمّ قدمه بطريقتي لوطني الغالي ( الموسيقى) هو أحلى وأغلى ماعندي بفضل الله”.

واختتمت: “ورح أحكي تباعاً عنّ كلّ أغنيه على حدن .. حبايبي راح يكون باول اكتوبر بين إيديكم بعض منّ روحي على شكل أغاني ومتل مابدينا مكملين”.

وضمن الحملة الترويجية للألبوم حذفت أصالة جميع منشوراتها عن حسابها الرسمي على انستغرام.

واكتفت أصالة بنشر بوستر الألبوم معلنةً فيه عن أغنيتها الجديدة بعنوان “لحقت نفسي”.