جاء هذا النفي على لسان الشاعر رمضان محمد الذي ألّف أغنية تامر حيث كتب عبر صفحته الفيسبوكية:
"فيه جدل في الوسط كله بسبب غنوة إنت لوحدك اللي كتبتها لتامر حسني، وأغنية أنا لوحدي اللي أعلن رامي جمال أنها اسم ألبومه، وناس بتفتي، وناس بتهزر، وناس فاضية، وناس محترمة، بتبارك، وفى الآخر وبعد كل الهري ده، أنا أول واحد بارك لرامي وفرحتله جداً، ورامي حبيبي ونجحنا سوا قبل كده، والموضوع توارد خواطر وأفكار، الكلام مختلف تماماً بين الغنوتين".

إختتم:"وبعدين ده محمد عاطف حبيبي وصديقي اللي كاتب أنا لوحدي، وده في حد ذاته شيء يفرحني، وتامر حسني أكتر حد في المجال قلبه نضيف، وبيحب الخير للناس كلها، إن شاء الله الغنوتين ينزلوا، ويكسروا الدنيا ونبارك لبعض على النجاح والتميز".

علماً أنّ الفنان تامر حسني سبق وتعاون مع الشاعر رمضان محمد في أغنية "100 وش"، التي شارك في غنائها محمد دياب، أحمد شيبة، ومصطفى حجاج.