الحمل ♈

بين شراكات وضغوط ومواجهات ومال يومك ..

لازم تتصرف صح وتهدي لأن الصبح في شوية ضغط وعم تكون بطاقة منخفضة وكأنو في شي عم يوترك واذا بدك تتم شراكة والأمور من الضهر بتصير افضل وبتشعر بتحسن وبتحل قضية عندك تاعبتك ..

عاطفيا .. يوم أفضل فكرة الارتباط واردة بهاليوم لكن بحاجة لدراسة منيح وانتبه من عصبيتك تنهي علاقتك بالشريك ..

الثور ♉

بين شغل وشراكات وقصص جديدة وضعك ..

رتب أمورك لأن يومك طويل وفي كتير قصص وعم تكون قدام كتير التزامات الصبح ومافي وقت حاول ماتهمل الشغل الضروري ومن الضهر بتفكر اكتر بامور الشراكة وفي اشخاص بتحاول تستفزك فهدي ..

عاطفيا .. يمكن اكتر شي ممكن يكون انك ما تخرب علاقتك بالشريك وفرصة للأعذب يعمل خطبة او زواج هالكم يوم ..

الجوزاء ♊

منيح يومك بحظ وشغل وعاطفة ..

وضعك منيح بالنهار وانت أفضل الصبح ويوم بيحملك تحسن وفي خبر منيح الصبح استغل فرصك ومن الضهر حاول تنهي كل شغلك بوقتو وخليك منتبه لصحتك بعد الضهر ورح يكون في عندك تعب فانتبه ..

عاطفيا .. بهاليوم انت امام فرصة رومنسية اذا استغليتها ولاتفكر كتير بالماضي انت لازم تشوف المستقبل ..

السرطان ♋

بين وضع عائلي وحظ وعاطفة بيتحسن وضعك ..

انت بوضع منيح عائلي ةعم تنزعج من قصة بتخص حدا مقرب وتفكيرك محصور بالبيت ممكن مشكلة اما من الضهر فبتطلع من هي الحالة وبتحصل على اوقات مميزة وحظوظ وفرص حاول تستغلها ..

عاطفيا .. هدي لأن يمكن النهار مايكون متل مابدك عاطفيا بس من بعد الضهر انتظر افضل الاوقات العاطفية ..

الأسد ♌

لقاءات وناس وحتى وضع عائلي بيشغلك ..

قادر تتواصل وتقنع وحاول تتصرف صح وبدي منك تكون واعي وتخلص المهم الصبح لأن حركة وتنقلات وحكي بموضوع مع احد الأخوة أما من الضهر فوضعك العائلي بيشغلك وأمور أهلك والبيت ..

عاطفيا .. يوم متقلب وانت ملفت وامورك العاطفية عم تتحسن فلاتخاف وانتظر نجاح بعلاقتك بالوقت القريب ..

العذراء ♍

امور مالية ومهنية بتشغلك وفي اتصالات افضل ..

انت بيوم افضل نسبيا ورتب أمورك واطمن عندك تحسن وعم تفكر بقصص مالية اكتر شي اما من الضهر فبزيد النشاط عندك ممكن تتلقى اتصالات كتير وتصل للعالم بشكل افضل بتواصلك وتكون قادر تقنع ..

عاطفيا .. بدي منك تفتح قلبك و لا تكون جامد على رأيك واعطي فرصة للشريك يعبر عن حبو الك ..

الميزان ♎

وضعك منيح عندك مصاريف وقصص مالية ..

الحظ معك وعندك كاريزما حلوة وعم تحل موضوع كان تاعبك ومكانتك أفضل وعم تكون مشرق بين الكل اما من الضهر فبتهدى وتيرتك وبتفكر اكتر بامورك المالية وبتكتر مصاريفك وممكن تفكر تبدا شغل جديد ..

عاطفيا .. بدي منك توعى ولاتسمح لحدا يأثر عليك وعلى قلبك وخليك واثق من انو يلي بحبك رح يرجعلك ..

العقرب ♏

عندك حلول والضهر بيتحسن وضعك ..

مو مرتاح بتكون وعندك شوية قصص شاغلتك وبداية نهار عم تكون متعبة والناس فيها مدايقتك لكن من الضهر بتسمع اخبار بتريحك وممكن ينحل عندك موضوع بطريقة سريعة وهالشي رح يعطيك حلول ..

عاطفيا .. الحب عم يكبر و عندك بداية جديدة بعلاقة جديدة فلا تزعل وماتحملها و تفكر زيادة الصبح ..

القوس ♐

يومك منيح الصبح بس بتنضغط بعد الضهر ..

حاول تخلص المهم الصبح وعندك لقاءات وقصص مع رفقاتك والأصدقاء حدك وخاصة بالنهار ومن الضهر عم تتعرض لسوء الفهم ويحصل معك امر ممكن يزعجك وهالشي عم يسببلك قلق وضغط ..

عاطفيا .. استغل الصبح ولاتستعجل الامور وخليك رايق هي الفترة ولاتتخذ قرارات تأثر سلبا على حياتك العاطفية ..

الجدي ♑

عندك شغل مهم وعلاقات اجتماعية وعزيمة ..

انت بيوم متقلب والصبح في شوية ضغوطات وعندك موضوع شاغلك ويمكن من الفترات الصعبة وعم تأثر عليك فكون منتبه وذكي ومن الضهر امورك بتصير افضل نسبيا وممكن تعزم شخص ولقاءات ..

عاطفيا .. بدي منك تنسى كل شي و لا تكون منفعل و خليك بعيد عن الاستفزاز هي الفترة وساعد الحبيب لتلاقو حل ..

الدلو ♒

يوم منيح بعلاقات جديدة وفرص مهنية ..

وضعك منيح وأفضل وبتقدر تثبت حالك ويومك داعم وبتتلقى اتصالات من ناس جديدة او تفتح شغل جديد ومن الضهر بيتغير الوضع وبصير على عاتقك فرص أكتر على الصعيد المهني فانتبه وخليك جاهز ..

عاطفيا .. قلبك بدق عن جديد و حاول تكون حاسم بامورك العاطفية بهالفترة ..

الحوت ♓

يومك أفضل بمال ولقاءات وناس جديدة ..

عم تقدر تحل مشاكلك وفي تطورات حلوة بيومك وعم تكون الصبح أفضل بالمال والعاطفة وممكن تخلص من مشكلة قضائية او استشفائية اما من الضهر فبتكون افضل بكتير وعندك فرصة للسفر ولقاءات جديدة..

عاطفيا .. لاتبالغ بردة فعلك وحاول تعطي فرصة للشريك والحب بدو تفاهم ..