فُجعت النجمة اللبنانية جيسي عبدو بخبر وفاة والدها جرجس اثر حريق ضخم شبّ في شقّته في زوق مكايل، فيما نجت والدتها وشقيقها بأعجوبة.
وقد واساها زملاءها في الوسط الفنيّ وتوجّهوا اليها برسائل التعزية، اثر تواجدها في الامارات لتصوير مسلسل.
ومن المعزين :
النجمة نانسي عجرم :” الموت صعب وخسارة الأب ما في شي بيعوضها
الله يرحم والدك وتكون خاتمة الأحزان”.
النجمة ماغي بوغصن :” مش عارفة شو بدي قول.. احر التعازي لصديقتي واختي وحبيبة قلبي وعمري بفقدان والدها الغالي الحبيب جورج..
الله يرحمك يا ملاك وتكون نفسك بالسما “.
النجمة نادين نسيب نجيم :” حبيبتي جسي اول شي ما صدقت للحظة فكرت عم يحكوا عن شي مشهد ! كتير كتير زعلت وحاسة بزعلك وحاسة بوجعك خاصة انك كنت بعيدة عن اهلك ما في كلام بينقال بهيك موقف الله يصبرك و يعطيكي القوة وتكون روحه بالسما صللي بترتاحي الله يرحمه”.
النجمة مايا دياب :” شو هالخبر الصعب مهما حاولت لاقي كلام ما رح لاقي،الفاجعة كبيرة وربنا هو العارف والقادر انو يصبرك ويصبّر عيلتك،نفسه بالسما..”.
النجم وسام حنا :” يا عيون قلبي انت .
الله يصبر قلبك .
بتذكر كتير منيح لما كنا محجورين بابوظبي بالتصوير كنتِ كل يوم عتلانة هم اهلك و تقوليلي خيفاني يصير معن شي و انا هون …
قلبي موجوع عليكي كتير .
جورج تكون نفسو بالسما”.
الفنان ناجي الاسطا :” الله يرحم بيّك وتكون نفسو بالسما.”
الاعلامي محمد قيس :” الله يصبرك يا حبيبة قلبي العوض بسلامتك و الله يرحم الوالد الغالي”.
النجمة شكران مرتجى :” تعازيي الحارة للعزيزة الصديقة جيسي عبده بوفاة والدها الله يرحمه ويصبر قلبها يارب يارب”.
النجمة ستيفاني صليبا :” قلبي معك يا جيسي… ما في وجع أكبر… الله يعطيكِ ويعطي عيلتك الصبر”.
النجمة باميلا الكيك :” روحو بالسما وأكيد مرتاح مطرح ما ملاقى ربنا !! صلواتنا كلّا لروح نفسو.. الله يكون معكن وفيكن”.
النجمة يارا :” عنجد خبر مُحزن ومؤسف جداً… حبيبتي
الله يصبّركم يا رب وتكون نفسو بالسّما”.
الممثلة رولا شامية :” حبيبتي جيسي كل الكلمات ما بتعبر لان مرقت فيا، وصعبة كتير ، الله يصبرك والله يرحمه وتكون نفسو بالسما”.
النجم فارس كرم :” أصعب شي خسارة الاهل.. الله يرحم بيّك ويخليلك امك ويصبركن يا رب”.
الفنان نادر الاتات :” قلبي عم يوجعني!! الموت صعب، بعرف ما في كلام بواسي ولا شي رح يعوض غيابو
الله يرحم روحو ل ابو أنطوني ويصبر قلبكن حبيبة قلبي”.
الفنان سارة الهاني :” خسارة الأب ما بتتعوض يا حبيبة قلبي الله يصبر قلبك على هل الفاجعه الله يرحم روحه”.
الفنانة شيراز :” الله يرحم بيّك و انشالله نفسه تكون بالسماء، شي بيوجع القلب”.
يمكنكم نشر مقتطفات من المقال الحاضر، ما حده الاقصى 25% من مجموع المقال، شرط: ذكر اسم المؤلف والناشر ووضع رابط Aghani Aghani (URL) الإلكتروني الذي يحيل الى مكان مصدر المقال، تحت طائلة تطبيق احكام قانون حماية الملكية الفكرية.
