بعد الاطلالة المباشرة لحاكم مصرف لبنان رياض سلامة عبر الوسائل الاعلامية، انتشر هاشتاغ #رياض_سلامة عبر تويتر، حيث علّق البعض على تصاريحه، وأبرزها:
الصحافيّ علي جابر :” اذا ما كشف بيكون عم يكرس اجرامه و اشتراكه باكبر جريمة نهب للمال العام و الخاص في التاريخ. و ستذكره الاجيال و كتب الاقتصاد كما تذكر الان ponzi كرمز من رموز والسرقة المنظَمة في العالم.”.
الكاتب والمخرج لوسيان بورجيلي :” #رياض_سلامة ما رح يفضح السياسيين ولا مين حول أموال ولا مين هرب أموال.
والسياسيين مش رح يحاسبوه ولا يقيلوه…
ما حداً منهم بيسترجي يقرب عالتاني…
لأن كل واحد منهم عندو ملفات عالتاني…
“بتفتح ملفي بفتح ملفك”
هالجملة هي يلي وصلت لبنان للإنهيار والإفلاس: كلن مورطين.
#كلن_يعني_كلن”.
المخرج ناصر فقيه:” يا لطيف ملّا مسرحية عم نحضرها، ومتل العادة الشعب اللبناني قاعد صف اول عم ياكل popcorn. الأبطال هنّي ذاتن، الحرامية هنّي ذاتن، المخرج هو ذاته، توزيع الأدوار هو ذاته والنهاية هي ذاتها: جمهور عم يزقِّف وهو مش فاهم شي من شي! #حسان_دياب #رياض_سلامة”.
الاعلامية يمنى الشري:” غفيت أنا وعم تابع #رياض_سلامة !! شو هالرواق شو هالشياكة شو هالمصارحة الصريحة!
فهمتوا شي؟ أكيد لاء! أوكي هيدا المطلوب”.
الشاعر فارس اسكندر الذي سأل متابعيه:” من وين فينا نحصل على أعداد الجرايد الرسمية اللي حكالنا عنهن”.
الصفحة الساخرة عديلة :” اللي فهمناه انه كلّن اتفقوا يبقّوه رئيس مصرف لبنان حتى يبقى مستّر عليهم والليرة رح تضلها نزول. يا ضيعانك يا لبنان.”.
يمكنكم نشر مقتطفات من المقال الحاضر، ما حده الاقصى 25% من مجموع المقال، شرط: ذكر اسم المؤلف والناشر ووضع رابط Aghani Aghani (URL) الإلكتروني الذي يحيل الى مكان مصدر المقال، تحت طائلة تطبيق احكام قانون حماية الملكية الفكرية.
