مايا دياب لمشاهير سوشيال ميديا:”زمن الإنحطاط…وإنجازات سخيفة”

وجّهت النجمة اللبنانية مايا دياب رسالة انتقدت فيها الواقع الذي وصل إليه زمن مواقع التواصل الاجتماعي، واستضافة القنوات التلفزيونية مشاهير هذه المنصات.

في التفاصيل، كتبت مايا دياب رسالة مطولة عبر حسابها على اكس جاء فيها:”زمن الإنحطاط على كل أنواعه.. زمن كل شي بلا قيمة عم بيعملوله قيمه.. زمن كل اهبل على السوشيل ميديا بصنّف حاله أول .. قالوا مين فرعنك يا فرعون قال : تفرعنت وما حدا ردني”.

أضافت:”ايه نحنا هون .. اللي كنا نضحك عليهم صاروا مش بس مشهورين وكمان التلفزيون بلبنان بطلعو ضيف وبيعمل معه حلقة وبينشر الفضيلة مش بس على التلفون انما ايضا عالشاشة الكبيرة”.

تابعت مايا:”زمن رديء وزمن كل مين ايدو الو.. يلا بقول اللي عندي وبعطي نصائح وبينطروا رأيي المهبول .. زمن ناس ما تعلمت وكمّلت علم طالعة تنصبّ حالها علينا دكتور او اختصاصي بشي ممكن يأذي الناس..”.

استكملت دياب:”اللي مفكّر انه الزمن اليوم متطور اكثر من قبل بكون غلطان.. روحوا شوفوا القلاع والأثار كيف تعمّرت اللي لليوم ما عرفوا كيف تم انشائها روحوا شوفوا كيف تم بناء الاهرامات شوفوا قوة وذكاء القدماء وكفى تحكوا عن انجازات سخيفة وهبلة عم تخلي الاجيال بلا عمل وبلا رغبة بالإنتاج الا على منصات بتعطيهم المال اللي ما كانوا شايفينه بحياتهم بطرق سريعة وسهلة”.

وختمت مايا دياب حديثها كاتبة:”صاروا اصحاب ماركات واملاك وهم ما بيعرفوا يفكّوا الحرف.. لوين بعد رايحين؟؟”.