أثارت أغنية الفنان المصري حسام حبيب “كدابة” التي طرحها أمس ويعود بها إلى الوسط الفني بعد فترة غياب طويلة، حالة من الجدل على مواقع التواصل الاجتماعي.
في التفاصيل، نشر المنتج والموزع محمد شفيق، عبر حسابه على فيسبوك، منشوراً وجه في الاتهام للفنان حسام حبيب بسرقة مذهب أغنيته الجديدة “كدابة” من أغنية أنتجها أخيراً للفنان الصاعد محمود عز.
وكتب شفيق: “السلام عليكم، بداية كده تم إنتاج أغنية للفنان الصاعد محمود عز من قِبل شركتي EYE Creative Studios بعنوان بياعة وده لينك الغنوة”.
وتابع: “الأغنية تم طرح البرومو بتاعها على إنستغرام يوم ١٨ يناير بجملة المذهب اللي تم “نحتها” أو اقتباسها من قبل الفنان حسام حبيب في أغنيته الجديدة- كدابة وده لينك الغنوة عشان حضراتكم تحكموا بنفسكم
أضاف: “أولًا سيتم اتخاذ كافة الإجراءات القانونية وتحرير محضر بالمصنفات الفنية لاتخاذ اللازم، ثانياً تم التواصل مع محامية آي كرييتيف استديوز السيدة جهاد مبروك لاتخاذ كافة الإجراءات القانونية باتجاه الواقعة”.
بدوره رد ملحن أغنية “كدابة” إسلام رفعت على اتهامات شفيق حول اقتباسه مذهب أغنية “كدابة”، من أغنية محمود عز.
ونشر إسلام رفعت فيديوهات يثبت بها أنه هو صاحب اللحن الأصلي لأغنية “كدابة” التي قدمها حسام حبيب أخيراً، مشيرًا إلى أنه تم سرقة موسيقاه.
وعلق إسلام رفعت عبر حسابه الرسمي على فيسبوك كاتباً: “أنا مكنتش هرد.. بس مضطر أرد لأن اللي بيحصل دة قلة أدب وتطاول، لسه جايلي تليفون دلوقت من صديق ليا بيقول إن في حد كاتب بوست إني واخد لحن أغنية حسام حبيب من أغنية لمغني أنا أعرفه معرفة شخصية واشتغلت معاه بالفعل وعلاقتي بيه أنه مغني، وأنا ملحن وموزع يعني واضح مين اللي بيسمع من التاني”.
وتابع: “أولًا مستحيل مستحيل مستحيل أنا اللي بقول إنه يكون توارد أفكار أو خواطر أو نغمات، أنا مسروق بالمللي وبالهارموني حتى، هو برافو عليه محاولة حلوة منه إنه ينط على بروباجندا حسام حبيب ويحاول نجيب سيرته ويمكن تصيب معاه.. بس أنا هخليها تصيب معاه إنه يتشهر بأنه غير أمين ومعندوش ضمير نهائي”.
أضاف: كل الناس عارفيني كويس وعارفين شخصيتي إني عمري ما أعمل حاجة “بالخسة دي” أو بالسذاجة دي!! إني آخد حاجة إبداعية في أكتر حاجه بحبها وهي الموسيقى من حد أو أقتبس جملة من هنا أو من هنا والحمد لله أعمالي كلها بتتكلم عني، الأغنية دي الشاعر عمرو المصري بعتلي كلامها من شهر مايو ٢٠٢٣ اللي فات تقريبًا وأنا لحنت الكلام وعملت شكل ليها وبعتناها لأكتر من مطرب من ضمنهم حسام وبالفعل كانت من نصيبة والأغنية جاهزة من فترة كبيرة جدًا ولكن حسام اللي كان بيأخر.. ومرفق في البوست فيديو أنا مصوره بأيدي من الكمبيوتر بتاعي متوثق فية تاريخ الأغنية وصوتي في الديمو”.
وأكمل: “الموزع شفيق كاتب إن أغنيتهم نازلة يوم ١٨/١، وحسام حبيب منزل خبر أغنية كدابة من يوم ٨/١ تقريبًا ف اللي هو إزاي يعني وأي حد يقدر يعمل سيرش على جوجل ويتأكد من صحة كلامي”.
واختتم: “آخر حاجة عايز أقولها إني معايا كل ما يثبت إن اللحن بتاعي من مستندات وإني هتخذ كل الإجراءات القانونية مع أي حد جاب سيرتي أو اتكلم عليا بشكل مسيء وحاول ينط وعايز يتشهر”.
يمكنكم نشر مقتطفات من المقال الحاضر، ما حده الاقصى 25% من مجموع المقال، شرط: ذكر اسم المؤلف والناشر ووضع رابط Aghani Aghani (URL) الإلكتروني الذي يحيل الى مكان مصدر المقال، تحت طائلة تطبيق احكام قانون حماية الملكية الفكرية.
