وجّه النجم المصري تامر حسني رسالة مؤثرة إلى جمهوره دعاه فيها إلى التمسك بالأمل وتحدي الصعاب، مستشهدًا بتجربته الشخصية، اذ عاش طفولة مليئة بالفقر والتفكك الأسري، لكنه تمكن من تحقيق النجاح.
في التفاصيل، شارك تامر حسني مقطعًا من أغنيته “طول ما أنت مش تمثال”، وكتب عبر حسابه على إنستغرام”: حبايبي اللي بيفكروا حالًا، دي رسالة ليكم.. قضبان سجن أفكارك السلبية هي من صنعك أنت، محدش حابسك والله، أنت اللي حابس نفسك، مجرد ما تبطل تفكر بشكل يائس، هتقع كل القضبان، وهتخرج من سجنك، وهتنجح، وهتحقق كل اللي نفسك فيه وأكتر”.
تابع:”أقسم بالله، قبل ما أنجح، ياما كنت بسمع جمل زي: أنت مستحيل تنجح، صوتك مش هيوصل، ما فيكش مواصفات النجم، غير الفقر المادي القارص، والتفكك الأسري من وأنا عندي 7 سنين.. يعني إحباط من كل الجوانب، بس عمرّي ما يئست ولا سمعت للكلام المُحبط، بالعكس كان بيحمّسني أكتر، ويزودني عناد للوصول”.
وختم تامر رسالته كاتباً: “خليكم كده، قوموا اتحركوا واسعوا.. الحياة لا بتحب ولا هتضحك للمستسلم، ولو مش عاجبك مكانك في الدنيا غيّره، أنت مش تمثال”.
في سياق منفصل، كان قد نشر تامر حسني عبر حسابه على إنستغرام فيديو من فيلم رسوم متحركة، يتناول فكرة مواجهة المستحيل، موجهاً من خلاله رسالة تحفيزية الى الشباب للإيمان بقدراتهم، مؤكداً أن الإيمان بالنفس والشعور بالدعم يمنحان الإنسان القدرة على تحقيق ما يبدو بعيد المنال.
وعلّق تامر على الفيديو كاتباً: “قد إيه ده فيديو عظيم، كلنا لما بنفكر ناخد خطوة للأمام أو خطوة جديدة للنجاح مش بنبقى عارفين هننجح ولا لأ، بس بنحسبها صح ونحضر لها صح مع الناس الصح في التوقيت الصح، هيبقى فاضل أهم حاجة وهي إيمانك بالخطوة وحبّك وشغفك الخارق ليها”.وأوضح أن المشهد الذي يظهر فيه الطفل وكأنه يمشي في الهواء يرمز الى الأحلام المستحيلة التي يمكن أن تتحقق من خلال الثقة بالنفس.
يمكنكم نشر مقتطفات من المقال الحاضر، ما حده الاقصى 25% من مجموع المقال، شرط: ذكر اسم المؤلف والناشر ووضع رابط Aghani Aghani (URL) الإلكتروني الذي يحيل الى مكان مصدر المقال، تحت طائلة تطبيق احكام قانون حماية الملكية الفكرية.
