ورد الخال عن غيابها عن الساحة الفنّية:” موهبتي عم تنطمر بهالجغرافيا وبهالتاريخ”

عبّرت الممثلة اللبنانية ورد الخال عن حزنها بسبب غيابها عن الساحة الفنية، لافتةً إلى أن آخر مشاركة لها في عمل تمثيلي كانت منذ سنتين ونصف.

في هذا الصدد، نشرت ورد الخال عبر صفحتها الرسمية على إنستغرام رسالة جاء فيها:” صاروا سنتين ونصف..نعم عم عدّهن ..بأسف انو موهبتي عم تنطمر بهالجغرافيا وبهالتاريخ..سنتين ونصف وكل ما شوف حدا بيسألني”وينك””

‏تابعت:” وين بدي كون غير بوطني وبلدي؟أنا هون وبعدني هون متل كتار ،او”قلال”بعدهن شغوفين بمهنتهن اللي عم تقتلهن كل يوم.سنتين ونصف..ومع حلاوة كل نجاح، مرارة على سنين من عمري!”
وتفاعل معها الجمهور معبّرًا عن اشتياقه لها وكتب:” مؤلم جدا ان موهبة مثل موهبتك تختفي”، ” النجمة الحلوة، المبدعة، الموهوبة جدا والقلب الطيب، انت بتستحقي الأفضل دائما لأن ربنا بخليلنا دايما الأمور المنيحة لوقتها المناسب. تفائلي بالخير والنجاح حليفك دايمًا”، “ان شاءالله نشوفك قريبًا بأهمّ المسلسلات وأهم الأدوار .. تستاهلي كل خير”
في سياقٍ منفصل، كانت قد وجّهت ورد الخال عبر مواقع التواصل الاجتماعي، انتقادًا للعرب الذين يكثرون من استخدام اللغة الإنجليزية في حديثهم اليومي، حيث كتبت في تدوينة لها:” كلمة ،كلمتين،يا خيّ جملة بالإنكليزي بقلب الحديث ، فهمنا ، بتقطع.. طيب ، كل الحكي صاير بالإنكليزي ، واي ؟! نحنا عرب ، عرب نحنا .. وي آر أرابز دير ، دونت فورغات ذات .”
وأيّد روّاد مواقع التواصل الاجتماعي موقف ورد وعلّقوا:” يعتبروه من اتيكيت الحياة”، ” لان صارت القصة موضة و انه هيك اكلس”، ” صدقتي ست ورد . اغلب الناس صايرة مفزلكة زيادة عن اللزوم”، ” نحنا لبنانيّي وعنّا أجمل لغة”.