بعدما نشرت النجمة اللبنانية نيكول سابا فيديو عفويّ عبر حسابها الخاص على انستغرام، حاجبةً خاصيّة التعليقات، تناقلته بعض الصفحات على مواقع التواصل الاجتماعي، حيث انهالت التعليقات المسيئة على الفنانة، غير آخذين بعين الاعتبار حريّة الشخص في أن يبدو كما يشاء اذا كان الأمر يُريحه.

فعادت سابا ونشرت صورة من الفيديو أي بالاطلالة نفسها، وأرفقتها برسالة جاء فيها :” الرسالة لبعض يلي ما بيفهموا مش للكل وما عم عمّم:

يعني اذا هيك وشفتوني ساحرة على انو شعري بدو تزبيط على شمطاء على ما بعرف شو بلا بلا… يبقى اسمحولي قلكن انكن بلا نظر الموضوع ببساطة انتو تعودتو على الاشكال المصفصفة وميت اكستنشن على عشرين كيلو رموش على ١٥ كيلو بويا وميك اب والف فيلتر!! انو بلا ميك اب ما بيعجب وبلا مساوى شعر ما بيعجب ما فالحين الا بالانتقاد عالرايح والجايي!! ايه ارتاحو انا مبسوطة بحالي وشايفة حالي وما مصدقها عالقليلة انا ع طبيعتي وهيك رح ضل!! بعدين يا اذكياء اذا الواحد قاعد ب #حجر_منزلي منزلي مينيموم يكون على طبيعتو ومش مصفصف ب بيتو!! فهمتوا ولا بعد يا مزوقين انتو! تعلمو الذوق وبعدين علقوا لانو انا لما كنت اعرف فيه كنتو انتو بعدكن عم تتعلمو تقروا شو معنى الكلمة!!

وهاي الصورة عن جديد رح حطها وبذات اللوك لانو كتير بحبها، وصلت؟”، وفي الوقت عينه ساندها زوجها النجم اللبناني يوسف الخال وكتب تعليقًا قال فيه :” My #lagertha the one and only lioness #i_am_in_love _with_my_jungle #heaven_on_earth #stay_naturally_healthy #no_makeup #no_masks #no_filters”.

كما وقفت الى جانبها شقيقة زوجها النجمة ورد الخال وكتبت :” ناس تافهة وسخيفة يا نيكول وكلامن وباء رح يقضي عليهن من بشاعتهن.. هالناس البلا اخلاق والمريضة ما بالن الا يهينوا الناس اللي تحت الضو لانن هني كل حياتن رح يعيشوا بالعتم عم ياكلوا حالن من نقصهن وغيرتهن.. بشعين وبيشوفوا كل شي بشع … كلماتن شي عجوز شي شمطاء بيعكسوا شكلهن بالمراية .. دعسي ومشي .. “.