أعرب الممثل السوري مكسيم خليل عن غضبه بعد قيام بعض الأطراف بسرقة مساعدات المتضررين من الزلزال في سوريا حيث عمد لنشر أسماء بعض المتورّطين في هذا الفساد، وطالب متابعيه بفضح أي حالة مشابهة في ظل الظروف المأساوية التي يعيشها المنكوبون من هذه الكارثة.
جاء ذلك في منشور الكتروني تحت عنوان “نداء لأصحاب الضمير”، وكتب خليل فيه:” بتقدر تحكي شو شفت وتفضح هدول الاشخاص بالاسم تحت… بالصور المرفقة عينة من رسائل كتيرة عمتوصل انه هلأ وبهذا الوقت المأساوي يلي عميعيشوه السوريين وبعد مرور كم يوم على وحدة من اكبر الكوارث ..المصحوبة بعواصف وبرد قاسي هالوقت يلي الناس عمتستنى خبر عن احبابها او عن لهفة من حدا …مع الاسف في ناس عمتسرق و تخبي و تبيع الاعانات ..في منهم شيوخ وفي منهم مخاتير وفي منهم هلال ومنظمات وفي منهم جيش وتجار ..طبعاً البعض لانه اكيد في ناس عمتشتغل بكل اخلاص ..يلي عماحكيه موجود بكل مناطق سوريا بلا استثناء ..حلب ،اللاذقية ، جبلة ،ادلب ، جنديرس .الخ تحت سيطرة وخارج سيطرة .”
تابع:”ما بعرف شو ممكن يقول الواحد ..لانه اكيد يلي بيعمل هيك وبهيك وقت معدوم الضمير والانسانية و مافي شي ممكن يخليه يفكر باخواته السوريين المتضررين ولا حتى بالسوريين يلي في منهم قرر يشيل اللقمة من تمه ليساعد اهله بسوريا ، هدول الاشخاص يلي عميستغلو وجع ليحققو ربح ..الامل منهم مقطوع …ندائي هو للناس الحقيقية والنضيفة..ندائي هو للمؤثرين والفنانين انهم يساهمو بضبط هدول الامور ..انتو يلي بتقدرو تفضحو هدول الناس و تحطوهن قدام الاجراءات القانونية المناسبة ..
برجع بأكد الموضوع ما بشمل الجميع بس الاكيد انه عميأثر على كل اشكال التبرعات المالية والعينية “.
وختم منشوره:”يلي ماعنده ضمير مارح يفيق هلأ ضميره ، بس الامل بلي عنده ضمير . وانا رأيي ممكن يكون هون مكان لتحكو شو عميصير و شو شفتو بالاسم
شكراً”.
يمكنكم نشر مقتطفات من المقال الحاضر، ما حده الاقصى 25% من مجموع المقال، شرط: ذكر اسم المؤلف والناشر ووضع رابط Aghani Aghani (URL) الإلكتروني الذي يحيل الى مكان مصدر المقال، تحت طائلة تطبيق احكام قانون حماية الملكية الفكرية.