يتعرّض الفنان اللبناني عامر زيان لمحاولة الإساءة لسمعته بحسب ما أوضح عبر حساباته على مواقع التواصل الإجتماعي حيث يتعرّض منذ سنوات لعمليّة إنتحال شخصيته على تطبيق سناب شات، وهذا ما دفعه للجوء إلى القضاء.
فكتب زيان عبر مواقع التواصل الاجتماعي:”صارت القصة بالقضاء وبالقانون رح جيب حقّي، وكلّ حادث إلو حديث. الأزعر والمريض لازم يتعاقب”، أضاف: “مع إنو كلنا مشغولين بالكورونا بس الموضوع دقيق: في شخص صرلو ٣ سنين عم يتسلّى فاتح سناب شات وهمي بإسمي وعم يحكي مع الناس ويقلل أدب. ما رح يتعلّم.. اليوم عرفت مين بيكون، طلبت منّو أكتر من مرة يسكّر الحساب ويوقف يحكي مع الناس ويستخدم صورة باسبوري، بس بعدو عم ينكر”.
كما سرد عامر كافة تفاصيل ما حدث معه حيال ذلك إذ كتب ما يلي:”من فترة اتصلت بقائد الشرطة القضائية العميد أسامة عبد الملك ومشكور عإهتمامو الكبير بالموضوع والعميد بلال حجار ورئيس مكتب مكافحة الجرائم المعلوماتية وكمان مشكورين وتقدّمت بشكوى ضد مجهول. بس اليوم عرفت مين بيكون والأجهزة الأمنية صار عندها علم وخبر بالموضوع وباسم الشخص وهويتو. حبّيت وضّح هيدا الشي لكلّ حدا كان عم يحكي معو عأساس أنا. ما عندي أي حساب على سناب شات”.
يمكنكم نشر مقتطفات من المقال الحاضر، ما حده الاقصى 25% من مجموع المقال، شرط: ذكر اسم المؤلف والناشر ووضع رابط Aghani Aghani (URL) الإلكتروني الذي يحيل الى مكان مصدر المقال، تحت طائلة تطبيق احكام قانون حماية الملكية الفكرية.
