تمنع بعض شركات الإنتاج الممثلين مشاركة مشاهدهم عبر منصات التواصل الاجتماعي نظراً لحقوق الملكية، وفي هذا الإطار، طالبت الممثلة شكران مرتجى بالسماح للممثل فعل ذلك مع اتباع آلية تحمي حقوق الطرفين، وذلك من خلال نشر مقاطع وتبقى شركات الإنتاج لها الحق في الحفاظ على مشاركة العمل كامل.
في التفاصيل، كتبت شكران عبر فيسبوك: “بعد المرحبا وكل الحب.. في فمي ماء، مو معقول الممثل بالدراما السورية مابيقدر ينزل مشهد ماستر إله حبوه الناس بعمل هلك وتعب وهو عم يشتغل ويصور ويبحث ووو كل القصص اللي بتعرفوها لياخد إذن ؟؟؟؟نعم ياخد أذن !!!!! لانه ممنوع تنزل مشان الحقوق بفهم الحرص والخوف”.
أضافت: “وكمان حصرية الربح والمصاري حتى أنمنعنا ننزل مقاطع ع اليوتيوب الخاص فينا لانه الشركات بتنزل المقاطع على حسابها الخاص عاليوتيوب مشان تربح وتربح وتربح وتربح يعني مابيكفي الاجور الجميلة اللي بناخدها (البعض)لسه بياخدوا منا حقنا أنه ننشر مقاطعنا ومشاهدنا اللي بتعمل دعاية للمسلسل أصلاً”.
وتابعت: “يعني ببساطة أسمحوا للممثل ينزل مقطع والحلقة كاملة عندكم ونحنا بنحول العالم لتشوف على حساباتكم وتربحوا أكتر وتعبوا مصاري وتنتجوا عمل جديد ولما تبعتولنا دور ونحكي بالمصاري بلع لوراق المصحف إنه المسلسل الماضي ما ربحتوا”.
ونوّهت كاتبة: “عم تبيعوا العمل لمنصات ومحطات والله يرزقكم وهاد حقكم بس هاد المنع الغير مشروع مو منطقي أبداً وع كل بطلب من كل زملائي وزميلاتي نحط شرط بالعقد اللي غالباً لابيقدم ولابيأخر مابيضمنلك شي لا أسمك بالشارة ولاوجودك ببوستر ولا شي… بيضمنلهم الهم كل حقوقهم، ونحنا عالأغلب بننقعه وبنشرب ميته أنه النا حق في مشاركة مشاهدنا على مواقع التواصل وعلى حساباتنا عاليوتيوب بند رئيسي”.
كما ختمت منشورها: “وبتمنى عنجد نعمل هيك في فنانين كانوا يعيشوا من اليوتيوب لانه الفنان مارح يطلع يصنع عجة ع حسابه بيحط مشاهده.. شكراً”.
يمكنكم نشر مقتطفات من المقال الحاضر، ما حده الاقصى 25% من مجموع المقال، شرط: ذكر اسم المؤلف والناشر ووضع رابط Aghani Aghani (URL) الإلكتروني الذي يحيل الى مكان مصدر المقال، تحت طائلة تطبيق احكام قانون حماية الملكية الفكرية.
