في هذا الاطار، استقبل رامز جلال فيفي عبده بمقدمة ساخرة كعادته، وقال: "حلقة النهاردة بمثابة تكريم لزبونة من النوع القديم صاحبة أكبر كم من التيت في تاريخ الفضائيات لسانها أطول من الطريق الدائري، وعلى الكل بتتجبر وتفتري ياما نصحتها وقلت لها يا ولية عيب اختشي مقضياها سبابيب من هنا ومن هنا النهاردة هعمللك ماتش اعتزالك لا تقوليلي أهلي ولا زمالك، معانا الراقصة التي دمرتها الفتة اللي تفصل مني ستة اللي فاضحانا في كل حتة".

وسخر رامز من إطلالة فيفي عبده قائلاً: "المعلمة أنهار صاحبة معامل المورتة في الغورية، دي عايزة ونش علشان تطلع السلم، لابسة فراشة، ودي اللي يتقال عليها جت تكحلها عميتها، وإنت بالجسم ده تحكمي في مسابقات أكل الكوارع".

كما وجه رامز لفيفي عبده مجموعة من الأسئلة ومنها:"من هي الراقصة رقم 1 دينا، صوفينار، بدرة أو جوهرة"، لترد : "رقم 1 فيفي عبده وبعدي مفيش راقصات"، وعن طلبها من شركة الإنتاج أن يُكتب اسمها قبل زينة فقالت: "محصلش مطلبتش حاجة أنا مكسب ليا إني بقيت في العتاولة".

أيضاً تحدثت عن زيجاتها فقالت: "اتجوزت 5 مرات كانوا عُرفي الأول وبعدين قلبتهم رسمي ومفيش فيهم فنان بس تمنيت أتزوج عمر الشريف".

وانفعلت فيفي عبده بشدة بعدما وقعت ضحية للمقلب، الذي بدأ وكأنه فحص طبي شامل، ليتم بعدها تقييدها وتعرضت لصدمات كهربائية مفاجئة، ما جعلها تصرخ.

يذكر أن فكرة البرنامج هي أن رامز جلال يقنع ضيوفه بأنهم جزء من لجنة تحكيم لبرنامج اكتشاف مواهب، ليجدوا أنفسهم في مغامرة غير متوقعة بمشاركة النجمة الذهبية نوال الزغبي واللاعب محمد نور.