رامز في تقديمه لهم قال "النهاردة هنخرج عن السياق العام للحلقات، الاتنين اللي جاينلنا مفيش بينهم أي عداوة أو مشاكل بالعكس بينتموا لفريق واحد و بيجمعهم عشق القلعة الحمراء، معانا اتنين من أجبن خلق الله على الأرض، في الملعب وحوش و محدش زيهم لكن في الحقيقة بيخافوا من ظلهم، و عشان أنا بحبهم و بعزهم مهانش عليا في المقلب ده ما نشوفش رعبهم".

استكمل رامز تقديمه قائلاً "بوعدكم بفيلم رعب من العيار التقيل، مليان صويت و عويل، جمهور الأهلي أنا حد جميل، ممكن أكون شرير لكن هدفي نبيل، و الآن يا بتوع الكوميكس إجهزوا للتحفيل و يا نجوم التيك توك ابتدوا بالتهليل"

وصل أكرم توفيق في البداية و الذي قال فور وصوله "أتمنى يكون برنامج حواري ان شاء الله"، ثم وصل حسين الشحات و علق رامز مازحاً "شكله عايز ياخد شارة الكابتن من الشناوي" و صرح الشحات إن الشيبي كان قد تطاول عليه و على كل اللعيبة و إن "ممدوح عيد هو اللي سخن الموضوع".

بدأ المقلب بسقوطهما في الغرفة السودة و تفاجئ كل منهما بوجود الآخر وقال رامز إنه جمعهما ليسألهما عن موضوع الشيبي و إنه سوف يعتبر أكرم شاهد، و سأل رامز أكرم من منهم غلطان الشيبي أو حسين.. ليرد أكرم الاتنين، و قال حسين "لو الشيبي قدامي هعتذر له و لوالدته"، و بدا عليهما الرعب الشديد فور ظهور نيوتن .

بعدها سقط التمساح من رامز فقال معلقاً "التمساح شاف أكرم انتحر" ومن ثم سقط الثنائي في الماء، و في تحدي النعام قالا "رامز ده مش هزار ده" .

وتدور قصة برنامج المقالب "رامز جاب من الآخر" حول استضافة عدد من الفنانين الذين يوجد بينهما مجموعة من المشاكل، ويعد ذلك بهدف الصلح بينهما، منهم مصطفى شوبير ومحمد أبو جبل ، أحمد السقا وباسم سمرة، حسن شاكوش وطليقته ريم طارق وغيرهم من الفنانين.