محمد رحيم يخرج عن صمته بعد إساءة جمهور شيرين عبد الوهاب له
خرج الملحن المصري محمد رحيم عن صمته بعد الانتقادات التي تعرض لها من قبل جمهور النجمة المصرية شيرين عبد الوهاب ، واتهامه بتجاهل ذكر إسمها ، وأن اسمها كفيل بتحقيق النجاح لأي شخص تتعامل معه.
ونشر محمد رحيم عبر حسابه على اكس تدوينة كتب فيها :"ايه يا جماعة كل الشتايم وقلة الأدب دي علشان بحتفل بنجاح لحن من الحاني زي الف لحن نجح لي قبل كده".
وتابع:" طب انت كجمهور فنانة بتحبها ومتحيز ليها وفاكر ان هي بس اللي بترزق الناس أنا ايه ذنبي انك جاهل ومش عارف اني اخدت ميوزيك أوورد سنه 2000 قبل انت ماتتولد في اغنية حبيبي ولا على باله مثلا كان عندي 20 سنة ".
كما نشر تدوينة أخرى كتب فيها:"أنا مكنتش احب انزل لمستوى اني اتكلم مع شوية عيال صغيره واقول الكلام ده بدال مانبارك لبعض كلنا زي كل جمهور محترم لكل فنان أنا اشتغلت معاه ألاقي شويه عيال بتشتمني علشان بتكلم عن نجاح لحن من الحاني انتوا ازاي كده طبعاً النجاح للكل والعمل عمل جماعي وانا عمري مابنسى اكتب اسم مهندس الصوت نفسه علشان أنسى النجم".
أيضاً شارك رحيم صورة له مع شيرين وكتب: "وبعدين انا بحب شيرين من قلبي ومن اكتر من عشرين سنة واحنا بنشتغل وبننجح صبري قليل مشاعر الوتر الحساس كلها اغاني ومحطات مهمة لينا احنا الاتنين بطلوا تثيروا فتنة بينها وبين زملاؤها في الوسط وصناع اغانيها وابعدوها عن دائرة التوتر والخلافات".
تجدر الإشارة إلى أن محمد رحيم تعاون مع شيرين عبد الوهاب في عدة أعمال وحققا نجاحاً كبيراً ومن أبرزها "صبري قليل"، "مشاعر"، و"الوتر الحساس".
في سياق منفصل ، كان قد طمأن محمد رحيم جمهوره على حالته الصحية وذلك بعد خروجه من المستشفى حيث كان قد خضع لعملية جراحية.
ونشر محمد رحيم عبر حسابه على فيسبوك صورة له في المنزل بعد مغادرته المستشفى وعلق عليها كاتباً:"ربنا ما يحرمني منكم أبدًا يا رب العالمين وبشكر كل إنسان بشخصه وباسمه على كل إحساس جميل وصلني وكل كلمة أسعدتني وأنا الحمد لله بقيت كويس بدعواتكم وحبكم، ورجعت البيت النهارده حبيت أطمنكم يا أغلى الناس الحمد لله".
يمكنكم نشر مقتطفات من المقال الحاضر، ما حده الاقصى 25% من مجموع المقال، شرط: ذكر اسم المؤلف والناشر ووضع رابط Aghani Aghani (URL) الإلكتروني الذي يحيل الى مكان مصدر المقال، تحت طائلة تطبيق احكام قانون حماية الملكية الفكرية