.jpeg)
سارة أبي كنعان تنتقد خيارات صناع الدراما المقتصرة على الجمال والمحسوبيات!
إنتقدت الممثلة اللبنانية سارة أبي كنعان خيارات شريحة كبيرة من صناع الدراما المقتصرة على الجمال والمحسوبيات حيث وصّفت الواقع الفني بما هو عليه فعلاً.
جاء ذلك في منشور إلكتروني حيث كتبت أبي كنعان عبر انستغرام ما يلي:"اليوم كنت عم بحكي مع صديقة وعم بشكيلها همي عن المجال الفني ... عم نحكي كيف صارت خيارات المنتجين والمخرجين والمحطات مقتصرة على الجمال والصورة الحلوة ... مقتصرة على قديش الشخص مشهور على السوشيل ميديا ... مقتصرة على مين بمون على مين ومين بيعرف مين ولأي سبب بيدعمو ... كنا عم نقول انو للأسف في شريحة كبيرة من صناع الدراما عم تشتغل كرمال الماديات والشهرة والمنافسة ونسيوا الفن والتمثيل والممثلين المخضرمين ... صارت كلها محسوبيات ومصالح مشتركة ونسيوا انو في شي اسمو مواهب وبساطة ووجوه حقيقية بتشبه مجتمعنا ، وبيدّعوا بالآخر انو خياراتن كانت لأسباب تسويقية لانن هني عم يعملو شي جديد ومتميز وحتى لو طلعت النتيجة عاطلة بشيدوا فيها ... ومع هيدا وكلو نحن مراهنين على هالكم حدا اللي بآمنوا بالفن الشريف انو يحاربو معنا لأنو حرام هالمجال يصير سلعة للمراهنات والبيع والمنافع الشخصية بدل ما يكون منصة لدعم الناس اللي عنجد بتستاهل".
علماً أنّ سارة أرفقت منشورها بصورة لها من مسلسل "حوا" تُظهر التغيير الجذري الذي إعتمدته في شكلها من أجل الشخصية الدرامية.
يمكنكم نشر مقتطفات من المقال الحاضر، ما حده الاقصى 25% من مجموع المقال، شرط: ذكر اسم المؤلف والناشر ووضع رابط Aghani Aghani (URL) الإلكتروني الذي يحيل الى مكان مصدر المقال، تحت طائلة تطبيق احكام قانون حماية الملكية الفكرية