أعلن الممثل المصري القدير حسين فهمي عن إنضمامه إلى العالم الإفتراضي رغم رفضه ذلك في السابق. 

في التفاصيل، نشر فهمي عبر حسابه الرسمي على انستغرام أول فيديو له حيث ظهر فيه وهو يعلن عن إنشاء صفحات رسمية خاصة به عبر منصات التواصل الاجتماعي موضحاً السبب الذي دفعه إلى إتخاذ هذه الخطوة، إذ قال:”مساء الخير وأهلاً بحضراتكم جميعاً أنا بسجل الفيديو دا لحضراتكم عشان أقولكم حاجتين مهمين أولاً أنا كنت طول عمري بعيد عن السوشيال ميديا وكنت بعتبر دا عالم افتراضي بعيد عننا وإنه عالم مش واقعي، لكن للأسف الشديد في الفترة الأخيرة اكتشفت إن فيه ناس كتير بتتكلم باسمي وبتقول معلومات غلط”.

أضاف:”فيه معلومات كتير أوي مكتوبة عني غلط وفيه ناس بتستفيد من اسمي ولقيت أصدقاء ليا بتقول بعتنالك وأرسلنالك وتابعناك وإنت قولت ومقولتش، الحقيقة إن الحكاية زادت فأنا قررت إن يبقى ليا ويب سايت وإن أخشّ في السوشيال ميديا بكل ما فيها من حسنات وسيئات وأتقبّل مصيري وأستحمل ما دام فضلت فترة بعيدة فيُستحسن أقرب”.

تابع: “أنا فعلاً مكنش ليا حساب وناس كتير استغلت اسمي فأنا النهاردة هيبقى عندي حساب وهقولكوا عليه علشان تتابعوني عليه وهو بيتوثق دلوقتي ومن فترة قريبة جداً هنبقى موجودين هتكلم معاكو في حاجات كتير أوي لأن عندي حاجات كتير أوي احكيها عندي ذكريات سواء في الفن أو التاريخ أو الفلسفة هنتكلم في أي حاجة عايزين تتكلموا فيها”.