ونشر تامر صورة السجل التجاري الخاص بالشركة، ليُثبت أنها شركة مصرية، وعلق كاتباً عبر حسابه الرسمي على انستغرام: "مساء الخير عليكم.. بقالي يومين بتابع اللي بيحصل واحتراماً للجميع.. أنا بوضح حاجة بخصوص الإعلان الأخير.. أولاً: أنا على بشتغل مع الشركة من سنتين قبل أي أحداث وده مش أول إعلان.. ده ثالث إعلان في عقدي، معلش أحياناً الكلام عند بعض الناس بيبقى سهل وتحديداً لما بيكون بدون علم بالعقود وبحيثيات الموضوع كله".

أضاف: "ثانياً: أنا مضيت على عقد مكتوب فيه إن الشركة مصرية، ولها سجل تجاري ضريبي مصري منفصل، والبند قدامكم أهوه لصدق كلامي.. ثالثاً: الأهم لأي حد بيشكك في انتمائي للقضية الفلسطينية، هقوله أنا من 20 سنة وأنا في ضهر القضية ومش كلام وأغاني بس ل.. أنا روحت بنفسي معبر رفح أثناء الضرب لمساندة أهالينا هناك بأكبر حملة معتقدش في حد هيخاطر بحياته و يروح بنفسه معبر رفح أثناء الضرب مجاملة مثلاً".

واختتم تامر حسني منشوره كاتباً: "وأخيراً أنا لما قررت أكون الوجه الإعلاني لشيبسي من سنتين لأنه منتَج مصري كل المصريين بيحبوه، والبطاطس من الفلاحة المصرية وبيتباع في مصر بس واتربينا عليه، والأهم إن الشخص البسيط يقدر يشتريه في ظل ظروفنا الاقتصادية وأظن ده واضح في الإعلان، ده كان شعوري الشخصي تجاه الحملة وأنا بمضيها من سنتين، عشان كده كان واجب عليا التوضيح للجميع واللّي مش واصلاله الصورة بكل احترام، وشكراً لكل اللي ردّوا عني وهما مغمّضين، حقيقي أنتوا نعمة كبيرة من ربّنا ألف شكر ورمضان كريم على الجميع".