في التفاصيل، وجهت أصالة اعتذاراً لإبنتها شام بعد ظهورها في مقطع الفيديو وهي تغني أغنية "Happy Birthday”، لإبنتها، حيث أرفقت أصالة الفيديو بالتعليق التالي:"بعتذر من شامي لأني حبيت عايد بفيديو خاص بعتتلي ياه اليوم وكتير حبيت شاركو معكم قدّ مافيه بساطة وطيابة وطفولة ودفا وأمان بنتي الصغيرة الهديّه من الله كبيرة ( جيهان أحمد هلال) جيجي الّلي بنتجمع كلنا عالأرض لمّا تكون عم تحبي أو عم بتحاول تحكي وشكلا بتعرف تغني وبتروق على الموسيقى وبتسلطن".

وتابعت : "صار اليوم عمر جيجي سنة كل سنة وحبيبتي وكلّ أطفال العالم كلهم بخير وبسلام وبأوطان حلوه وبتحنّ عليهم ويارب جيجي وكلّ أطفال العالم يعمّروا بالفرح بيوت ومايشوفوا شي للأسف نحنا شفناه ويشهدوا العدل ويعيشوا بأمان ".

وختمت أصالة: "وبعيد بنتي الصغيرة جيجي برجع وبقول الله يحفظ النِعَمّ واللي منهم أنتي ياروح عمرها صار اليوم سنه .. بوعدك رح أصغر لك ورح أقوى لك وبعرسك أنا رح زفّك وأنا رح ربّي لك ولادك أنتي النّعمه اللي بترجّى ربًي يحفظها ويحفظ كلّ أطفال العالم قولوا آمين ".

 من جهة أخرى، كانت قد أطلقت أصالة أغنية جديدة بعنوان "سوريا جنة" عبر قناتها على يوتيوب وذلك بعد سقوط نظام الأسد. وهي من كلمات بتول زيدان ويارا أحمد وألحان وتوزيع علي حسون.

ويقول مطلع الأغنية:" ارفع راسك فوق انت سوري حر .. سوريا جنة والفرح سوري .. يا ياسمينة معانقه الجوري.. منكتب ع حيطانك منحبك ..يا وطني الغالي منحبك".

ونشرت أصالة مقطعاً من الأغنية عبر حسابها على انستغرام وأرفقته برسالة مؤثرة كتبت فيها:"مشاعر مختلطة كلها قوية خوف أولاً من إنه ينسى الواحد فينا شو كنا وشو أصلنا... نحنا كل أهل سوريا بنشبه أهل الحارة اللي بكل العالم ما في من هيك حارة الناس فيها مخلوطين من ديانات مختلفة وثقافات مختلفة وبساطة وشهامة ومحبة وتسامح وتسامح وتسامح وما في شي حيخلينا نتجاوز ونكبر ونحقق ونعلى غير التسامح وما رح نقول مو وقتها لسه الجرح طازه!".