.jpeg)
يورغو شلهوب يودع أولاده برسالة مؤثرة
ودع الممثل اللبناني يورغو شلهوب أولاده على المطار برسالة مؤثرة نشرها عبر حسابه الخاص على مواقع التواصل الإجتماعي قائلاً: "باي باي يا حلوين
راحوا الحلوين و بقوا القبيحين، المجرمين والسفاحين اللي قتلوا ولاد بعمركن وشباب وصبايا كلن متلكن وكلن حلوين ودبحوا اهلن وعم بموتوهن كل يوم مية موتي هني وعايشين.
راحوا الحلوين و بقوا الدجالين اللي بعد ما شبعوا دم و قهر و عذاب و بعدن عم يتناهشوا المناصب متل الحيوانات المفترسة و عم يرقصوا على جثث الميتين.
راحوا الحلوين وبقيت الغصة والدمعة محبوسين وهني بعدن فلتانين.
راحوا الحلوين بس رح يبقوا عطول حلوين وعليهن وعلى وجوهن نعمة الله والملائكة والقديسين. بقوا النجسين و باقية على مدى الأزمان عليهن و على روحن لعنة الله و الأنبياء و الشياطين.
مني و من أولادي لروح اللي راحوا ولكل الموجوعين".
يمكنكم نشر مقتطفات من المقال الحاضر، ما حده الاقصى 25% من مجموع المقال، شرط: ذكر اسم المؤلف والناشر ووضع رابط Aghani Aghani (URL) الإلكتروني الذي يحيل الى مكان مصدر المقال، تحت طائلة تطبيق احكام قانون حماية الملكية الفكرية