مكسيم خليل يُطلِق تحدّي "Challenge" والهدف إنساني!

مكسيم خليل يُطلِق تحدّي "Challenge" والهدف إنساني!

في ظل التحديات المعروفة بعبارة Challenge التي يتم إطلاقها عبر مواقع التواصل الاجتماعي بين لحين ولآخر، أطلق الممثل السوري مكسيم خليل تحدياً جديداً بهدف إنساني محض.

نشر مكسيم عبر حسابه الرسمي على انستغرام صورة لطفل تعرّض لأذى كبير وهذا يبدو جلياً من خلال مظهره الخارجي، ولقد ألقى خليل عليه إسم "تحدّي الثلاث دقّات" وكتب ما يلي:
"تحدٍ جديد، نوعه مختلف، بتحدّى فيه كل إنسان. يمكن ما بيسلّي متل باقي التحديات يلي بتصير عالسوشال ميديا، بس يمكن يكون مفيد لأرواحنا يلي عمنحاول طول الوقت نغلفها بأنواع مختلفة من المشاعر لحتى نحميها، التحدي هو انك تطلع بهالعيون تلات دقايق متواصلة. من دون ماتحس انه عميحاكيك وتجاوبه. من دون ماتسمع شو سمع وتشوف شو شاف. من دون مايمرق الخوف لقلبك. من دون مايمشي القهر والظلم بدمك. من دون ماتفكر بأبوه وأمه، بتخته، بكتبه، بمدرسته، حتى بسندويشته.. وتغص ...اتطلع بس تلات دقايق متواصلة ورح تحكو كتير وتفهم عليه وتصيروا صحبة. رح تاخده عالجنينة وتتمرجحوا سوا. رح تعرف شو عم يوجعه وشو عميبكيه. ورح يحكيلك عن أحلامه الصغيرة البريئة متله. ورح تقله مو ذنبك. ورح تقله الله يحميك... بتحداك مهما كان اليأس والإحباط واللاجدوى ومهما كانت الأسباب يلي مخليتك بعيد عنه، ماتقله "سامحني انا مالي ذنب بس سامحني". طلع بهالعيون وشوف الانسان يلي جواتك قديشه عايش ومستنيك. يا ترى رح تقدر تتحدا حالك والزمن والخوف وتطلع بهالعيون بس ٣ دقايق".

وختم مكسيم ليكتب الآتي: "مين رح يشارك بهالتحدي ويكتب شو سمع وشو حكى معه او مع رفقاته مو بس بسوريا وبكل العالم؟ يمكن نقدر كلنا نقول بحب وعن قناعة: اوقفوا قتل الاطفال والمدنيين بسوريا وبالعالم. حتى لو جوات قلبنا قلناها، اكيد الكون ببياضه وبسواده بيسمع. قولها، قوي قلبك وقولها. الله يحمي أطفالكم جميعاً وتفرحوا فيهم".

 

 

View this post on Instagram

حاول تقرا للآخر.. تحدي « التلات دقايق » .. تحدي جديد ..نوعه مختلف ..بتحدّى فيه كل إنسان .. يمكن مابسلّي متل باقي التحديات يلي بتصير عالسوشال ميديا.. بس يمكن يكون مفيد لأرواحنا يلي عمنحاول طول الوقت نغلفها بأنواع مختلفة من المشاعر لحتى "نحميها".. التحدي هو انك تطلع بهالعيون تلات دقايق متواصلة. من دون ماتحس انه عميحاكيك وتجاوبه .. من دون ماتسمع شو سمع وتشوف شو شاف .. من دون مايمرق الخوف لقلبك.. من دون مايمشي القهر والظلم بدمك.. من دون ماتفكر بأبوه وأمه .. بتخته..بكتبه بمدرسته ..حتى بسندويشته.. وتغص.. اتطلع بس تلات دقايق متواصلة .. ورح تحكو كتير.. و تفهم عليه و تصيرو صحبة .. رح تاخده عالجنينة و تتمرجحو سوا.. رح تعرف شو عميوجعه و شو عميبكيه.. ورح يحكيلك عن أحلامه الصغيرة البريئة متله.. ورح تقله مو ذنبك .. ورح تقله الله يحميك .. بتحداك مهما كان اليأس والإحباط و اللاجدوى .. ومهما كانت الأسباب يلي مخليتك بعييييد عنه .. ماتقله "سامحني" .. انا مالي ذنب بس سامحني.. طلع بهالعيون وشوف الانسان يلي جواتك قديشه عايش ومستنيك .. ياترى رح تقدر تتحدا حالك و الزمن والخوف وتطلع بهالعيون بس ٣ دقايق !!؟؟ ٣ دقايق من وقتك مو اله بس ..الك..لروحك كمان.. مين رح يشارك بهالتحدي ويكتب شو سمع وشو حكى معه او مع رفقاته مو بس بسوريا ..وبكل العالم.. يمكن نقدر كلنا نقول بحب وعن قناعة: ( اوقفوا قتل الاطفال والمدنيين بسوريا و بالعالم ) حتى لو جوات قلبنا قلناها ...اكيد الكون ببياضه وبسواده ..بيسمع .. قولها .. قوي قلبك وقولها .. الله يحمي أطفالكم جميعاً و تفرحو فيهم.. #challenge #3 #minute #humanchallenge #hope #peace #children #stop_killing_children #stop_killing_civilians #syria #and #all #world

A post shared by Maxim Khalil (@maximkhalil1) on