في التفاصيل، علّق محمود العسيلي على حسابه في فيسبوك كاتباً: " مراعاة للسادة الزملاء مش هتكلم في تفاصيل... بس مش قادر أسكت، في مسلسل حصري على منصة معينة وقناة معينة، الموسيقى التصويرية بتاعته صاحبها مفكرش بربع جنيه، نقشها من مسلسل "طهران" الإسرائيلي بالحرف، بس خد كل إجراءاته عشان ميتقفش".

وأضاف: "الحاجة الوحيدة اللي بذل فيها مجهود هي كيفية التغيير فيها عشان ميبقاش سارقها، الاقتباس دا فن وحرفة مش أي حد يعرف يعمله وللأسف مسلسل "طهران" مش مسلسل مغمور عشان يبقى عندك الجرأة دي إنك تهبش منه بالوضوح ده، لأ وإسرائيلي كمان".

بدوره ردّ ساري هاني على اتهامات العسيلي له بالسرقة في تصريح صحافي قائلاً: "معنديش أي تعليق على الموضوع ده بصراحة، نرجع لناس بتفهم مزيكا ونحط الاتنين جنب بعض ويشوفوا هل أنا فعلاً سارق موسيقى مسلسل "العتاولة" من مسلسل "طهران" ولا لأ؟".

وفي سياق متصل، قال ساري هاني أن محمود العسيلي هو صديقه لكنه لم يكلمه حول هذا الموضوع حيث قال:"أنا ومحمود العسيلي صحاب ومكلمنيش، بس براحته ده رأيه الشخصي ويقول اللي يقوله".

يُذكر أن مسلسل "العتاولة" هو من بطولة أحمد السقا، طارق لطفي، باسم سمرة، زينة، مي كساب، وآخرين. والعمل من تأليف هشام هلال، وإخراج أحمد خالد موسى، وإنتاج شركة الصبّاح اخوان.