"لبنان يحترق".. والنجوم يطلبون النجدة!

"لبنان يحترق".. والنجوم يطلبون النجدة!

اندلعت  حرائق كثيرة يوم أمس في لبنان، وكان أكبرها منطقة الشوف والدامور، والتهمت أنياب النيران قسمًا كبيرًا من الأحراج.

وقدّ علّق عدد كبير من النجوم على الحرائق، ودقوا ناقوس الخطر، عبر حساباتهم الخاصّة على تويتر ومن بين النجوم:

​النجمة ماغي بو غصن التي غرّدت​: "رحمتك يا رب شي بيحرق القلب وطائرتين انشروا ب ١٤ مليون دولار وينن ؟؟ في شباب روحها على كفها بقلب النار الله يحميكن ويحمي كل العائلات".

​النجمة سيرين عبد النور​: "يا رب تحمي لبنان وكل الناس يللي عم تساعد الله يحميكن ويبعد الشر عنكن وعن الاطفال والعائلات بلدنا الأخضر عم يحترق قدام عيوننا ما في حرقة قلب اكتر من هيك !!! المشرف لبنان يا رب".

النجمة نوال الزغبي :" طبيعة لبنان هي جنّته، و النار تغتالها بوحشية ... لازم الدولة كلها تستنفر لإنقاذ رئة لبنان! اكبر حرام الاستهتار و لازم كلنا نكون دفاع مدني

لبنان يحترق."

الممثل وسام حنا :" ما بدّي سبّ و لا إحكي و لا بدّي اطلب شي . شغلي وحدة بتهمني هلق كيف فينا نساعد . كيف فينا ننزل عالارض و نساعد .. ازا حدا من الدفاع المدني بيقدر يحطنا بالجو .

 الليلة بعتقد وزير البيئة عندو مقابلة عالهوا ليحكيني عن إنجازاتو بخصوص كياس النايلون بتمنى ما شوفو."

​الفنانة نيكول سابا​: "قلبي عم بحترق مع هالمنظر!! وطبعاً الحظ البشع كمان انو الطقس الليلة ابشع وسرعة الرياح عم تخلّي الحرايق تمتد اكتر!! يا رب احمي شعبك".

الممثل طارق سويد:" بتذكر من كم سنة لورا، لما وقعت بناية بالاشرفية و بقيو الناس لإيام تحت الانقاض، كانت بناية وحدة، و مش مباني و حرب، بناية وحدة و ما كان في خطة انقاذ لأن ما في وسائل انقاذ لأن مال الشعب رايح عصفقات تانية...يومتا تأكدت انو اي كارثة بتوقع علينا، منروح فيا..."

الفنانة نينا عبدالملك :" قلبي عم يوجعني عبلدي، الله يستر ويحمي الكل ، شو بدو يقول الواحد.  لبنان يحترق."

​الفنان جو رعد​: "لبنان يحترق اهلنا ب المشرف سلامة قلبكم".

​المخرج فادي حداد​: "عدم التخطيط ، عدم المسؤولية ، عدم أخذ تدابير لحماية الثروة الحرجية ، عدم دعم الدفاع المدني بالمعدات، ندفع الأن الثمن. ثمن غالي جدا جدا . وأنتم نيام".

​النجمة مايا دياب​:"الشوف يحترق ولا حياءَ لمن تنادي الدولة نائمة ولبنان اللي كان أخضر وباقي منو ما لا يُذكر من الخَضار عم ينقضي على ما تبقّى منه..يا رب إرأف بهذا البلد لبنان يحترق والدولة ناطرة دوام العمل الطبيعي لتحريك ساكن؟؟؟ إنو ليه الساعة السابعة صباحاً بيتحركوا الطوافات من مطار بيروت؟؟مين المسؤول اللي ناطرينو يوعىا ويوافق ويمضي إنو :ايه لبنان يحترق عيب عليكن".

​الفنان ناجي أسطا​: "يا رب لطفك".