بعد خبر سرقة أغنية نجوى كرم..الملحن ينشر بيانًا:"كانت مع أيمن زبيب وتنازل عنها لمدير أعمال نجوى"!

بعد خبر سرقة أغنية نجوى كرم..الملحن ينشر بيانًا:"كانت مع أيمن زبيب وتنازل عنها لمدير أعمال نجوى"!

بعدما أطلقت شمس الأغنية اللبنانية نجوى كرم أغنيتين يوم أمس الأولى بعنوان " ملعون أبو العشق"، و" كتير حلو"، انتشر خبر سرقة الأغنية الأولى، وللحال قام ملحن وموزع الأغنية علي حسون بكتابة بيان عبر حسابه الخاص على فايسبوك، جاء فيه :" أخوتي وأخواتي جميعاً .... رفقاتي اللي صرلي عمر بعرفون وبيعرفو التزامي بالشغل واحترامي للضوابط الأخلاقية والمهنية ....

منعاً لوقوع أيّ التباس أو أيّ لغط وكلام ممكن أن يقال هنا وهناك وحتى نصوّب الموضوع ونوضّحو ومن المصدر مو من أيّ جهة لا تمتّ للموضوع بصلة وبدون شوشرة السوشل ميديا اللي ممكن تتشعب بالقصة وتعطيها أبعاد ما إلها وجود أو أساس وبالتالي تأثّر ع الحقيقة وتأثّر على اسمي وأرشيفي اللي تعبت عليه ١٨ سنة وحرصت وما زلت حريص إنّو يبقى نظيف وناصع متل ما بتعرفوه...

كل اللي بيعرفوني متأكدين منّ تاريخي بدون نفاق وعن محبّة صافية

بالنسبة لأغنية #ملعون_أبو_العشق

بحبّ حطيكم علماً إنّو لاااا أحد غيري يملك حقوق الأغنية قبل بيعها لشمس الأغنية #نجوى_كرم وبالتّالي شركة #روتانا المحترمة، وأقصد قبل بيعها يعني ما حدا امتلك هالحقوق غيري أنا أصلاً، والأغنية موجودة عندي من عام 2011 وتنقّلت على عدّة نجوم بنحبّهم بكلّ احترام وبطرق قانونيّة وبالأخير كانت مع النّجم #أيمن_زبيب والنّجم أيمن زبيب مشكوراً صرّح بتنازله عن الأغنية للسيد كريم أبي ياغي بتاريخ ١٩ /٣ مع الوثائق الالكترونية وبتقدر السّتّ نجوى تغنّيها وعلى هالأساس تمّ بيعها عن طريقي كونه منطقيّاً رجعت حقوقها لإلي وكوني عضو بالسّاسيم فحتى أدبيّاً بتبقى من حقّي

أيّ مو من حقّ أيّ شخص آخر يتصرّف فيها، وعليه فالنّسخة الموجودة على يوتيوب ما قمت ببيعها لأي فنان آخر بتاتاً بل تعتبر عمليّة سرقة موصوفة من دون علمي من قبل الموسيقي #صبحي_محمد اللي ما بيملك أيّ ورقة أو حقوق بالأغنية حتى يبيعها ، لذلك لا علاقة لي بهالعمليّة غير القانونيّة، والأغنية قانونيّاً ورسميّاً 100% ملك الفنانة نجوى كرم قطعاً واذا تم التنازل عنها لشركة روتانا ... تصبح المسؤولية كاملة على عاتق الشركة ..

وأي تصريح يحوي معلومات متناقضة مع هذه الحقيفة يعتبر تضليل ولاغي وأنا بصفتي عضو ساسيم وملحن وصاحب أرشيف فني نظيف ... سأقوم بكافة الاجراءات القانونية التي تحافظ على سمعتي وحقوقي العلنية وأُجرم كل من يطعن بها كائن من كان وبكافة الوسائل المتاحة ...

واقتضى التنويه .".