بخطوة لافتة، نشرت النجمة السورية أصالة نصري فيديو مؤثر لشقيقتها ريم نصري التي قامت بزيارة قبر والدها الراحل.

أما أصالة فقد عبّرت عن سعادتها بهذا الفيديو الذي اعتبره أجمل هدية في عيد ميلادها، وكتبت:" يا حبيبة الروح يا أختي.. لقد تحدّينا سويّاً كلّ قواعد المنطق الموروث الَّذِي يحتّم على المختلفين الفراق .. وعدنا كما كنّا كيان واحد .. فالغالي الَّذِي زرتيه نيابة عنّي هو يعلم أنّنا واحد... وفي يوم كهذا كنت أستقبل الهلال بجوار بيته الصغير .. ولأوّل مرّة منذ أن غادرت أشعر بالزيارة وكنت أنتِ وقرأتُ الفاتحة معك بذات اللحظه... هديّتك ليّ في عيدي هذا من أجمل ماحصلت عليه منذ أعوام.. يا إبنة أبي".

ريم بدورها ردت على أصالة بكلمات مؤثرة قائلةً:" شو صعب رد على هالحكي الكبير أختي الحبيبة مرات بحسد الناس العاديين يلي بيتخانقو وبيتصالحو ألف مرة وما حدا بيحكي عليهن تعبت ما عبر عن مشاعري تجاهك مشان ما يجي حدا ويجرحني ويقلي هلأ صرتي تحبيها اتذكري لما حكيتي وقلتي ، ومرات بيجي عبالي أستعير عبارة كاتبا عمو سواق الشاحنة يلي بيمسك خط اليسار وبيبطل يبعد كان كاتب ياناس يا شر كفاية قرف ياناس يا شر يلي بتذكروني دائمآ بقصة جحا والحمار .. الواحد ما بيخلص معكن ، حبيت اترتب يوم عيد ميلاد أختي مع أنو كنت متحسسة يمكن من دوا أو أكلة سمك و طلعت زرت والدي الغالي اللي يادوب بتذكر ملامحو الطيبة واتعطرت متل لما بترتب وبصلي بأحلى هيئة كرمال أقرأ الفاتحة لروحو وزورو عن بنتو الغالية وأختي الطيبة أصولة ف يارب يسعدك في أيامك الجاية ويجمعنا مع بعض عن قريب ويبعد كل حاقد وكاره وشرير عنا بحق هي الأيام المباركة ".