"عيد بأية حال عدت يا عيد؟"..، بأية حال عاد "عيد العمال"، عن أيّ عمال نتحدّث؟ هل بقي من يعمل لنتحدّث عن "عمّال"؟.. وما معنى كلمة "عيد"؟..ولكنّ للذكرى عاد "عيد العمّال" وللمناسبة، غرّد عدد من الفنانين والاعلاميين أبرزهم :

النجمة الذهبية نوال الزغبي :"اليوم عيد العمال... تحية كبيرة لكل عامل قاعد بالبيت ومش ملاقى وظيفة وتحية للعمال اللي عم يقبضوا نص أو ربع معاش ومتحملين هالظروف الصعبة.....

الفرج قريب انشالله".

النجمة اليسا :" بدي عيّد كل العمال بهالعيد يللي منتذكر فيه تعبن وحبّن لشغلن، بس هالسنة بالذات بدي فكّر بكل العاطلين عن العمل يللي خسرو أشغالن. الله يمرّق هالغيمة السودا عن لبنان وتتحسن الظروف".

الفنان عامر زيان :" هالسنة متل سنين كتار #عيد_العمال بلبنان عاطل عن العمل ، يا رب تفرج كل شخص ناطر فرصة حتى يأمن لقمة عيش لعائلته".

الاعلامية رابعة الزيات :" لكل اللي خسروا  أعمالن 

لكل اللي عايشين رعب خسارة شغل 

لكل عامل عم يكافح ليصمد بوجه التجويع 

لكل طفل عم يشتغل ليعيل أهلو

لعمّال  النظافة في الطرقات والبيوت      

للطاقم التمريضي في مواجهة #كورونا

العيد: لما تحصلوا على حقوقن".

الملحن سليم عساف :" إلى من تبقّى من عمّال في بلدي...تحية".

الاعلامي زافين :" عمال اكيد. بس السنة بعتقد العمال لازم يحتفلو بعيد العمل.".