في التفاصيل، كتب رامي عبر حساباته الرسمية على مواقع التواصل الاجتماعي ما يلي:"الحمد لله الذى أحبنى فابتلاني وأقدرني على الصبر.. من فترة ظهرت بقع بيضا في جسمي وبالكشف عرفت إنه مرض البهاق، وجربت أنواع علاج كتير ودكاترة كتير ومفيش فايدة، رضيت وسلمت أمرى لله عشان عرفت إن الزعل بيزوده وكفاية شغلانتي وصعوبتها والقلق الدائم من المستقبل، وفعلا بقى بيزيد لدرجة لفتت نظر ناس كتير، اللي بقى يقوللي هتتعامل إزاي وأنت فنان واللي يخاف يسلم عليا واللي يسألني هو ده معدي، أنا بقالي سنة فعلاً لو عندي حفلة أو تصوير بتعب على ما أشوف طريقة أخفيه بيها، لدرجة خلت ناس تقولي شوف بيزنس تاني اعمله عشان الناس مش هتقبلك كدة، وفكرت في كلامهم بصراحة، لقيت إن عندى حلّين يا فعلاً شكراً لحد كدة على الشغلانة دي رغم حبي ليها وعدم معرفتي بغيرها، يا إما مش هداريه تاني وتقبلوني بيه وترحموا كل اللي ربنا ابتلاهم بيه من نظرة أن شكله غريب، والحمد لله على نعمة الأهل لإنهم الوحيدين اللي بيقبلوا الواحد زي ما هو".

بعد ذلك، قام عدد كبير من النجوم في مُساندة رامي ودعمه للتراجع عن فكرة الإعتزال، وأبرزهم ملكة الإحساس إليسا التي كتبت في تغريدة عبر تويتر:"ممنوع تغيب وممنوع يكون البهاق عذر لغيابك.. إنت بتقول ابتليت بالبهاق، بس مش سبب لتخاف وتغيب. في ناس ابتلت بالكذب والخيانة والسرقة وما هزت.. وجودك أساسي ومتل ما إنت بتقول، أصل الحكاية مش حماية شكل.. حكاية روح".

كما كتب النجم المصري تامر حسني رسالة إلى رامي جمال جاء فيها: "إلى الفنان الكبير والصديق الحقيقي والمحترم رامي جمال يا حبيبي أنت فنان كبير ومحبوب وليك قيمتك وكل الناس بتحبك و مفيش حاجه هتعطلك عن نجاحك، وتعبك دا لا هو مؤذي ولا مُعدي وكل الناس جواها تعب في منه اللي ظاهر و في منه اللي مش ظاهر، كل شخص جواه وجع من حاجة معينة المهم أننا نبص و نتعلم من اللي ظروفهم أصعب مننا ورغم كدا عندهم صبر وبينجحوا في الاختبار وبيقولوا الحمدلله ومكملين وعندهم إرادة وبينجحوا أكتر من الأول لازم تكمل نجاح يا رامي وشيل أي هلاوس من دماغك وإوعى تخبي نفسك اللي بيحبك بيحبك لشخصك وفنك صدقني دي حاجه عاديه يا رامي والله ملهاش أي تأثير لا عليك ولا على جمهورك بالعكس بقى أنت أكيد شايف الناس كلها طيبين إزاي ونفسهم يفرحوك".

أيضاً دعمته الفنانة لطيفة التونسية رامي جمال حيث كتبت: "حبيب قلبي يا رامي يا مبدع يا محترم يا مختلف وعى تفكر كده، أول حاجة لازم تقول الحمدالله على كل حاجة ربنا يكتبهالنا، تاني حاجة دي حاجة حصلت لناس كتير وتعالجت منها الحمد لله وبعدين إحنا بنحبك على موهبتك وفنك الرائع وكل جمهورك وانا منهم بنبقي مستنيين جديدك دايماً".

بعد مرور عدّة ساعات، إلتقى رامي بكل من الفنانة أنغام وزوجها الملحن أحمد إبراهيم حيث أعلنوا عبر صورة تجمعهم داخل الأستديو عن أنّهم يُحضّرون لأغنية جديدة إذ نشرت أنغام الصورة وأرفقتها بالتعليق التالي: "حالياً مجتمعين عند أحمد في الاستديو أنا والملحن والمغني الرائع رامي جمال شغّالين في أغنية ونجاحات جديدة بإذن الله".