يبدو ان التراجع في إيرادات الاتصالات بات هاجسا بالنسبة للدولة اللبنانية مع تراجع ايرادات القطاع نحو 33% من 2017 و2018، ما تبرره وزارة الاتصالات بارتفاع استخدام تطبيق واتساب وتحديدا "واتساب كول" وتطبيقات مماثلة مجانية تتضمن مكالمات هاتفية مثل سكايب، viber، فايسبوك كول، فايس تايم والتي تستخدم نظام التخابر عبر الإنترنت VoIP voice over IP.

وفي خلال جلسة مجلس الوزراء، تم الاتفاق على فرض رسمٍ على استخدام هذه التطبيقات: 20 سنتا يوميا على كل مشترك واتساب أو اي تطبيق مماثل، أي ما يساوي 6 دولارات لكل مشترك في الشهر، في حال أقرّ مجلس النواب اقتراح الحكومة.

مرة جديدة، يلجأ الرسميون إلى فرض المزيد من الأعباء على المواطن اللبناني في وقت هم عاجزون عن وضع استراتيجية اقتصادية لانتشال البلد من أزمته، وتوسيع بيكار موارد الخزينة العامة.

وقد علّق النجوم على ما ذكرناه عبر حساباتهم الخاصّة عبر مواقع التواصل الاجتماعي :

النجمة اليسا :" بعد في الواتساب ما انزادت عليه ضريبة بدل ما يوقّفو النهب والسرقة من مليار مزراب تاني. يا ويلكن من غضب الناس إذا غضبو بس للأسف صار شعبي مخدّر".

الممثل وسام حنّا :" شو يا شقير ...

ضريبة عالواتس يا حلو يا أمور  ...

وكل أصحابك الوزراء موافقين

 طيب بسطية ، هيّنة ..

البنت الإثيوبية يلي بتساعدنا بالبيت نصحتنا انو نستعمل ايمو او فايبر  و بتقلكن  بالاثيوبي

روحو انتا و أصحابك بلطو البحر

 #الواتساب".

الفنانة سارة الهاني :" ضريبه عالواتساب بلد العجايب."

السوبر ستار راغب علامة :" أهضم خبرية اليوم في الصحف.. الحكومة قررت أن تضع ضريبة عالواتساب والله العظيم شر البلية ما يضحك.. أيها الفطاحل ليش ما تحطو ضريبة عالهوا الملوث اللي عم يتنشقو الشعب؟ ؟فكرة رائعة وبتجيب مال لخزينة أبوكم كمان."