توقعات الأبراج ليوم السبت 15 حزيران 2019

10:26
15-06-2019
توقعات الأبراج ليوم السبت 15 حزيران 2019

الحمل ♈

تطورات داعمة بحل لقضية ومال ..

عم تدخل يوم أفضل نسبيا وفي قضية بتلاقي الها حلول هاليوم وبترتاح نسبيا ويوم بساعدك أكتر من الايام الماضية عم تناقش امور مالية وعم تحل مشكلة قانونية او استشفائية وعم تخلص من موضوع شغل بالك ..

عاطفيا .. لاتعطي اهمية للمشاكل الصغيرة ولاتكبرها وخلي دايما في خط للرجعة ..

الثور ♉

منيح يومك لشراكات مهنية وعاطفية بس هدي ..

بدي منك هاليوم تعزز وضعك بالشراكة ولاتفوت اي مواجهة لأن مو لصالحك وبتتوتر كتير اليوم وبتحس بالعصبية من اقل الأمور وكأنو الكل ضدك وماحدا بيفهمك انتبه من المشاكل يلي ممكن يسببها الناس الك اذا استفزيتن وكون بعيد عنها وفكر بتعزيز شراكة وباقل الخسائر ..

عاطفيا .. لازم تكون هادي قدر الامكان لان الوضع صار لا يحتمل الشريك ماعم يقدر ابدا ..

الجوزاء ♊

التزامات كتير وقصة صحية بتشغلك..

يوم لازم تحاول ترتب أولوياتك فيه وتخلص كل شي بوقتو وبتبدأ نهارك بشغل كتير وتراكم وممكن تحس بالارهاق وانو صحتك مو منيحة ومرهق انتبه لأكلك وغذائك ونظم وقتك بهدوء ورواق ولا تتعاطى مع الناس وخاصة يلي مو شاطرين غير بالحكي حتى يكون يومك حلو ..

عاطفيا .. حاول تكون رومنسي شوي مع الشريك رغم التعب يلي انت فيه لان هو بحاجة هالشي ورغم انك عم تحسو ماعم يفهم عليك ..

السرطان ♋

دعم عاطفي ومهني الك بيوم جيد ..

الفترة الماضية تعبت من وضع البيت والعيلة والظروف اثرت عليك وبهاليوم انت افضل بعلاقاتك وعندك يوم مميز بيحملك حلول وفرص وحظ لتحل مشاكلك لاتخاف في عندك شي ايجابي بهاليوم ووضعك العام بيشهد تحسن كبير واخبار حلوة بتدعمك وقصة بتخص اطفال ..

عاطفيا .. تعامل مع الحبيب بكل الرومنسية اليوم لأن رح تعيش اوقات حلوة معو وللبعض ارتباط ..

الأسد ♌

تطورات ماعم تريحك بالبيت وقصة عقارية ..

عم تحس بضغط كبير ومدايق من وضع البيت والشغل والقصص عندك بدها حل برواق وانتبهلي لصحتك ووضعك بحاجة لحل خاصة بامور العيلة عم تكون عصبي حاول تفهم الامور وانتبه من انفعالك قدر الامكان واعطي حالك الوقت والصبر وتصليحات بتكون بالبيت ..

عاطفيا .. عندك رغبة بالارتباط بس انت بحاجة لوقت حتى تستقر علاقتك وتفهم الشريك اكتر ..

العذراء ♍

فرص عندك لتنجح وتتواصل أفضل ..

عندك لقاءات ونجاح ويوم ايجابي وقادر تتواصل مع الكل وعندك اخبار حلوة ويوم بتصل فيه للناس بسهولة بتزيد حركتك ممكن تسافر وتتلقى اتصالات كتير وبتكون مقنع بحديثك وتطور شغلك للأفضل وانتبهلي من الحوادث وممكن تغير موبايلك وتهتم بحدا من الأخوة..

عاطفيا .. لاتتسرع بالحكم على الشريك وكون متفهم حتى تستمر العلاقة ..

الميزان ♎

يوم لمال ناطرك ودفع كتير فانتبه ..

لازم تحاول تنتبه لان مصروفك بزيد ويمكن تحصل على مال فعم يكون تعاملك اليوم بالمصاري عم تصرف وتدفع وتقبض وحركة مالية عندك حاول تنتبه لامور شغلك وخاصة انو ممكن تبلش شغل جديد وبحاجة انتباه وتحسم امورك ..

عاطفيا .. ماعم تعرف كيف تتصرف مع الشريك وبدك طريقة لحل المشاكل حتى لو صغيرة ..

العقرب ♏

عم تتحسن امورك وانفراجات ومال ناطرك ..

كتير قصص بتدعمك وعم تستعيد ألقك وتعزز مكانتك وتكون طاقتك أفضل بهاليوم وعم تكون أفضل بعد التعب يلي مريت فيه كمان رح تطلع من هي الحالة و رح تلاقي حالك بوضع منيح والحلول رح تجي لحالها حاول تفكر بالمستقبل وانسى يلي صار وأفتح صفحة جديدة ..

عاطفيا .. الاجواء السلبية يلي مرت فيها العلاقة ممكن تتحسن هاليوم وبامكانك تفتح صفحة جديدة .

القوس ♐

عندك قصص بتتأجل وبتدايق من بعض الأمور ..

يوم عم يكون في كتير ناس بتزعجك ويوم بحاجة رواق بدي منك ترتاح اليوم وماتحاول تحسم شي لأن الأمور مسكرة بوجهك والمشاكل ماعم تتركك فترة وبتمر حاول تنتبه من كل يلي حوليك ولاتتعاطى مع حدا وانتبه من قصة صحية عندك ..

عاطفيا .. ماتسمح لشخص يخليك تزعل او تعصب الحياة مابتوقف عند حدا ..

الجدي ♑

عندك عزيمة ومناسبات حلوة ولقاءات حلوة ..

انت اجتماعي هاليوم وبتتحسن الأمور عندك ويوم منيح لتلتقي اصدقاء مشان شغل جديد ناطرك وبتكون منيح بطلتك وبتحصل على مساعدة من صديق لحل مشكلة عائلية وقادر على التقدم بعملك يوم مميز بيحملك حلول واوقات مميزة مع رفقاتك او بعزيمة مع رفقاتك ..

عاطفيا .. هدي الأجواء مع الشريك وحاول تعزز العلاقة يوم رومنسي وانت ملفت وحليان ..

الدلو ♒

انجاز بيدعمك وفرص شغل وشهرة عندك ..

من الأيام المهمة عندك ويلي فيها استحقاق مهم او امتحان ولازم تنجح لتصل ويمكن شهرة للبعض وبدي منك تكون شاطر ولاتهمل شي اليوم خصوصا بامور الشغل يلي ممكن تشهد تغيير عندك ولاتترك فرصة لحدا يحط عليك شي وخاصة يلي بدو يشوه سمعتك وخليك قوي ..

عاطفيا .. لازم تبني حبك على اساس ثابت فلا تفوت بعلاقة مبينة مو واضحة ..

الحوت ♓

جيد يومك لتغير بوضعك وتشوف ناس جديدة ..

استغل هاليوم وحاول تغير وتبدا بهاليوم رياضة او دراسة او لغة وفي تطورات حلوة مالية ومهنية وعندد فرصة اليوم للسفر وعم تفكر تبدا مشروع جديد او عندك فكرة وبدك تدرس موضوع معين وعم تتلقى اتصالات من اماكن بعيدة والحظ عم يكون معك وناس جديدة بتعرفن ..

عاطفيا .. استغل هيك يوم لتحصل على اوقات رومنسية وتكون بحال افضل بعلاقتك ..