توقعات الأبراج ليوم الخميس 6 حزيران 2019

10:32
06-06-2019
توقعات الأبراج ليوم الخميس 6 حزيران 2019

الحمل ♈

نهارك جيد والمسا قصة عائلية بتشغلك ..

يومك بيبدا بسفر ولقاءات واتصالات زعم تكون أفضل بالتواصل الصبح فحاول تستغل هاليوم وتفاعل مع محيطك انتبه اذا بدك تشتري اوتبيع موبايل ومن الحوادث والمسا بينشغل بالك بقصص العيلة ..

عاطفيا .. لا تعتب على حدا يلي بحبك رح يرجعلك وخليك واضح بتعاملك

الثور ♉

الوضع المالي بيتغير للأفضل وفي لقاءات حلوة ..

يومك ايجابي بالشغل وعم تحصل على مال وناطر شي وخايف من بعض القصص ومصروفك عم يزيد وانت بحاجة لتنظيم ميزانيتك والمسا في فرصة لاتصالات حلوة او مشوار قصير ..

عاطفيا .. حاول تحصن حبك من حكي الناس حتى يستمر وكون قريب من الشريك ..

الجوزاء ♊

يوم في تغيير وطاقة لتعمل اي شي وتنجح ..

بدي منك تستغل طاقتك وماتفكر بالماضي وحاول تطلع من تعبك هاليوم وغير الأمور لصالحك قادر تحل مشاكلك وتفرض رأيك وحالك وتكون جاهز ليوم الحظ بيدعمك فيه بفرص حلوة والمسا عندك مال ..

عاطفيا .. لاتتسرع لأن أي شي ممكن ينهي علاقتك وفكر تصالح لتحصل على الاستقرار والراحة ..

السرطان ♋

نهار صعب بس المسا أفضل بكتير ..

مو مرتاح بنهار بيحملك مضايقات ومابتكون راضي عن كتير اشيا فبدي منك تنتبه هاليوم قدر الامكان ولا تتصرف بشي وانتبه لصحتك والمسا بيتحسن وضعك وبترجع طاقتك وبترتفع المعنويات وبتكون أفضل ..

عاطفيا .. يوم مخيب عم تفقد ثقتك بالناس وماعم ترتاح لوضع علاقتك لكن في اخبار حلوة المسا ..

الأسد ♌

يوم لتشوف ناس بتحبن والمسا انتبه ..

بدي منك تقضي يومك مه ناس بتحبا وكون اجتماعي بعلاقات ولقاءات حلوة و بيتفاعلو الرفقات معك وبتحقق معن نجاح اذا بدك بس لاتسمح للأخطاء الصغيرة تفوتك بمشكلة وخاصة المسا فانتبه وكون دقيق ..

عاطفيا .. لا تنتظر المبادرة اليوم وحاول تهدى وتعيش حبك وابتعد عن الانفعال زيادة ..

العذراء ♍

يوم في قصص بالشغل ولقاءات حلوة المسا ..

عندك موضوع شاغلك وتغييرات وقصص بالشغل والكل عينو عليك وعلى شغلك فبدي منك تركز وكمان انتبه وخليك دقيق وكون حريص انك تتم عملك على احسن وجه والمسا بتلتقي رفقاتك وعزيمة عندك ..

عاطفيا .. لاتتخذ قرارات متسرعة لتخرب العلاقة بالعكس انا بنصحك بالهدوء والتفكير بعلاقتك بجدية اكتر ..

الميزان ♎

عندك فرص لسفر وتطورات حلوة وشغل ..

اطمن وفكر بايجابية لأن يوم داعم وممكن سفر وتعامل مع ناس اول مرة بتحكين وفي حركة اتصالات كمان خليك ذكي وانتهز الفرص وتعامل مع يومك بتفاؤل والمسا انتبه مهنيا ولاتخالف القوانين ..

عاطفيا .. لا تترك مجال للشك عند الشريك وخليك واضح حتى ما تنلام بالنهاية ..

العقرب ♏

الوضع عم يتحسن ماليا وبالعلاقات هاليوم ..

بتطلع من التعب بحلول وبتكون أفضل وعم تستعيد طاقتك حاول تتفائل و تاخد نفس وتفكر بمصالحات وتلطف للأجواء بالعمل وانتبه لمصروفك والمسا بتتعرف على ناس جديدة وأمور بتريحك ..

عاطفيا .. انت بحاجة لفترة من الراحة من العلاقات العاطفية او حتى التفكير لأن هالشي عم يرهقك كتير وتحسن كبير المسا ..

القوس ♐

عم تدخل شراكات وتدايق من قصص وحلول المسا ..

يبدو انو يوم بدو دبلماسية وكتير عم تدايق وانت بفترة حساسة أي كلمة بتخليك تزعل وتنفعل وماتعرف تشتغل حاول تهدى وكون بعيد عن الأجواء المشحونة والمسا افضل انت وبترتاح نسبيا وبكون في حلول ..

عاطفيا .. مابعرف اذا وصلت الامور مع الشريك لمشكلة أو بعد ما وصلت بس بدي تنتبه كتير منيح وارتباط للبعض ..

الجدي ♑

عندك فرصة شغل وشراكات المسا وانتبه وهدي ..

مرهق عم تكون هالفترة والناس عم يستغلوا وضعط ليستفزوك ويأثرو عليك حاول تنتبه لشغلك لان عم يزيد ودير بالك على صحتك قدر الامكان والمسا بتناقش امور شراكة بس بدون انفعال ..

عاطفيا .. المشكلة دايما انو راسك ماعم يتحمل الاهمال وهالشي بكبر المشاكل حتى لو صغيرة وفرص ارتباط كمان عند البعض ..

الدلو ♒

الحظ معك بنهار حلو والمسا رتب امورك وانتبه صحيا ..

لازم تكون ايجابي وتتفائل بهيك يوم وحاول تعرف تستغل يومك وبدي منك تعزز علاقاتك وعندك تراكم شغل وممكن تتعب صحتك المسا فانتبه وحاول تساعد حالك بانك تنجز الجزء الأكبر بالنهار لصالحك..

عاطفيا .. بتحس اليوم بتحسن الأجواء رومنسيا وبتسمع خبر حلو او بتتلقى الاعجاب من حدا ..

الحوت ♓

وضعك العائلي بيتحسن وخاصة المسا أفضل ..

عندك قصة بالبيت او موضوع عائلي شاغلك ممكن احد الوالدين صحتو عم تشغلك حاول تكون هادي وروق وكمان عم تفكر تغير بالمنزل والمسا اجواء رومنسية ناطرتك وتحسن كبير وممكن خبر يريحك ..

عاطفيا .. لاتتردد وحاول تكون متفهم للشريك مافي شي بيدعي للقلق المهم تكون واثق من حبك ..