الحمل ♈

عندك فرصة شغل جديد ومال هاليوم ..

عم تصرف كتير بهاليوم ومو كتير مرتاح وعم تفكر باستقرارك وناطرك قصص مالية هاليوم فخليك جاهز وعم تفكر بالشغل و بامور المصاري وعندك مكسب او ربح اليوم وتعامل بحذر بشغلك وبدك تعمل شي مميز وناجح وبيحملك اليوم ممكن مشروع شغل جديد ..

عاطفيا .. بعدا الفرص متاحة لحل مشاكلك العاطفية لكن خفف من حساسيتك وتعامل بعقلانية شوي ..

الثور ♉

حلول عائلية وعقارية وانفراج عاطفي ..

انت بحال أفضل وبتكون بوضعية اريح وبتزيد طاقتك وبهاليوم بتفرج وبتحس انو رجعت الامور احسن من أول وموضوع رح ينحل ورح يكون عندك الطاقة تقلب الامور لمصلحتك افتح صفحة جديدة وبادر واذا بدك افتح مشروع جديد الحظ عم يدعمك وحل مشاكل البيت والعيلة ..

عاطفيا .. رح تكون مسيطر وقادر انو تصل لقلب الشريك وحب جديد ممكن او تجدد بحبك ..

الجوزاء ♊

انتبه وهدي بيوم مابيدعمك وبدو رواق ..

عندك قصة بتشغلك مع أخ ومو رايق وهاليوم لتعمل تصفية لبعض الأشخاص ويبدو مو مبسوط وعم تفوت بيوم متعب وقليل الحظ بدي ياك تنتبه لصحتك وتشتغل الضروري بس لاتعمل اي شي ولاتحاول حسم موضوع هاليوم تأخير وتأجيل متوقع لكن بمر وخليك ايجابي ..

عاطفيا .. شعور الوحدة رح يسيطر عليك بس حاول تمرق هاليوم وماتتصرف بشكل خاطئ ..

السرطان ♋

عندك مناسبة وعزيمة ولقاءات حلوة ..

عم تشوف رفقاتك هاليوم ومن الأيام الايجابية وعندك حضور حلو وقادر اليوم تكون كلمتك مسموعة بين كل يلي بدك تقابلن وبدي منك تنتبه من وحدتك و عندك لقاءات مع رفقاتك بتساعدك وفي صديق بيوقف حدك بهاليوم بتمتلك الطاقة و يوم في عزيمة ومناسبة ..

عاطفيا .. عندك شي رح يفرحك اليوم واعجاب من صديق ممكن لكن لاتكبر المشاكل مع الشريك ..

الأسد ♌

وضعك منيح بشغل ولقاءات مهمة اذا بدك ..

عم تدخل يوم في لقاءات مهمة وبدو تصرف صح وأهم شي ماتتسرع وخليك ذكي ولازم تكون منتبه وحافظلي على سمعتك وعلاقاتك وانتبه من الحكي المخفي وكون دقيق يوم جيد بس بدك تكون رايق وصاحي ودقيق لأن في ناس بدها توقعك وشغل جديد وماتخالف القوانين ..

عاطفيا .. لاتلوم حالك بعلاقتك أنت بتعطي كتير ومابتتنازل وهالشي عم يسمح للشريك يتمادى ..

العذراء ♍

عندك تحسن كبيرة وفرص سفر وناس جديدة ..

حضورك حلو وبتشوف ناس جديدة وعم تكون طاقتك حلوة استغل يوم بيدعم عندك الحلول ويوم حلو بتحس عندك طاقة زايدة وقوة بتكتر اتصالاتك وبيتحسن وضعك ويمكن يكون عندك سفر وفيك تعزز وضعك وبتتعرف على اشخاص جدد لكن انتبه من حوادث السير ..

عاطفيا .. عندك القدرة انك تحل المشاكل بعلاقتك فحاول هالشي ولاتتركها تكبر ..

الميزان ♎

عندك تحسن بوضعك المهني والمالي ..

لاظم تحصل على مال هاليوم ويوم أفضل الك وبترتاح نسبيا وعم تتحسن اوضاعك وفي حل لمشاكلك وفكر بامورك المالية وشغلك وعندك فرصة لربح او مكسب بس بنفس الوقت خفف مصروفك وانتبه يما يخص العيلة يمكن يكون حدا بحاجتك اليوم وكمان في مصالحات ..

عاطفيا .. كون حريص على حبك ولاتسمح للتوتر يستفزك ويخليك تتسرع برأيك ..

العقرب ♏

عم يزيد انفعالك وفرصة عقد شغل جديد ..

حاول تتصرف بشكل صح بهاليوم وبدي منك تكون منتبه لان عندك يوم ذو حدين اما خراب او نجاح لأن انت بهاليوم عم تفكر بامور الشراكة وفيك تعمل عقد مع حدا بس لاتفقد هدوئك وخليك رايق توترك هاليوم وعصبيتك ممكن يسببو مشاكل انت بغنى عنها تعامل بدبلماسية ..

عاطفيا .. انت بحاجة لحدا يفهمك ومايزيد الخلاف معك والشريك ماعم يقدر حبك ..

القوس ♐

انت بحاجة اهتمام ومساعدة بيوم طويل ..

كتير قصص ناطرتك خلصها اول بأول وبدي منك بهاليوم تحاول تصبر وتنتبه وتكون مستعد ليوم طويل وعم يتراكم الشغل عليك مشان هيك نظملي وقتك ولاتهمل شغلك وانتبه لصحتك بهاليوم انت ماعم تلحق فأهم شي التنظيم لاكلك وحياتك لتعرف تخلص يلي عليك وتنجح ..

عاطفيا .. عم تدخل فترة مهمة بحياتك العاطفية حاول تحدد خياراتك بالحب ..

الجدي ♑

في شي من الحب والحظ ناطرينك هاليوم ..

ات بوضع أفضل بكتير صح كان في أيام صعبة لكن يوم من الايام الافضل بالباقي من هالشهر وانت مميز وافضل عم تكون عم تتحسن امورك عم تحس راحة وتلاقي انو بدك تعمل شي بادر الحظ بيدعمك اليوم واستغل الوقت والفرص المتاحة لتحصل على نتائج حلوة ..

عاطفيا .. عندك رغبة قوية بالتقرب من الحبيب وتعزيز علاقتك لاتوقف اليوم واستغل جاذبيتك لتحصل على حب بيرضيك ..

الدلو ♒

قصص البيت مو مريحتك هدي ومرقلي هاليوم ..

انت قدام يوم في توتر مع المقربين وماحدا عم يريحك ويبدو هاليوم ماعم تكون تمام ومو كتير رايق اهتماماتك بيتية عائلية وعندك ضغط وتعب وممكن تغيير بمكان سكنك كون قد المسؤولية ويمكن عم تصلح او تشتغل شي ببيتك ساعد اهلك وتحمل المسؤولية ولا تكون منفعل ..

عاطفيا .. حاول أنك تستغل بعض الفترات لتكون مع الحبيب وتلاقي شوية راحة وهدوء بنفسيتك ولاتلوم حدا لان مارح تستفاد شي ..

الحوت ♓

عندك لقاءات واجواء حلوة باتصالات ..

عم تتحرر وتقدر توصل رأيك وتقنع ومن الأيام الجيدة وبتتحسن أوضاعك وجيد لتكون ضمن علاقات اوسع ومنيح انت وعم تكتر اتصالاتك ممكن يكون في مواعيد مهمة استغل الوقت وحول الامور لصالحك وتطور بانتظارك وممكن تشتري موبايل وانتبه من الحوادث ..

عاطفيا .. عم ترجع امورك افضل عاطفيا برغم الضغط يلي عم يسيطر على العلاقة فرصة لتشوف الشريك اليوم وتقضي وقت حلو ..