الحمل ♈

امور مال وشغل وعيلة وعقار بتشغلك ..

عندك مصاريف مشان البيت وممكن يكون في دفع كتير وعدم رضا عن مردودك هالفترة وبدك هيك تفرج عليك وترجع امورك المالية تصير منيحة وهالشي قريبا ويمكن انت عم تفكر بمشروع جديد وشغل ..

عاطفيا .. تعامل مع اي علاقة عاطفية متعبة الك بهدوء ورواق وبكفي تعب من الماضي ..

الثور ♉

يوم لترجع مكانتك وتتواصل وترجع مكانتك ..

حاول تلاقي حلول هاليوم واطلع من الأجواء الكئيبة يلي سيطرت عليك وارجع من جديد بحال أفضل لازم تستغل هيك ايام لتكون بموقع ايجابي وتقدر ترجع ثقة الناس فيك وماتفكر بالماضي وتنجح كمان ..

عاطفيا .. خليك واضح بتعاملك مع الشريك واليوم اذا كان في مشكلة ممكن تنحل ..

الجوزاء ♊

يوم بدو انتباه ولاتتسرع بشي ..

خليك منتبه وعم تكون مو عبعضك كأنو وفي ناس اعداء الك عم تحاول توقعك والأمور كلها واقفة عندك بدي منك تهدى وتنتبه وماتكون مهمل والوضع العام عم يخليك حذر زيادة بس لاتخاف فترة وبتمر ..

عاطفيا .. عم تتفاجئ بشخص وعم يصدمك تعاملوا معك لاتتسرع وانتظر لتوضح الامور ..

السرطان ♋

حضورك حلو لقاءات وعزايم وناس

انت بيوم جيد وعم تتلقى دعوات وعزايم من الاصدقاء او انت يلي عم تعزم وتكون ملفت للكل حاول لاتضل لحالك لان طاقتك بتستمدها من رفقاتك واترك قلقك بعيد عنك واطلب مساعدة اذا احتجتها ..

عاطفيا .. يبدو انك بحاجة لخيارات اوضح بعلاقاتك لأنك ماعم تعرف شو بدك ..

الأسد ♌

يوم بدو انتباه وماتنفعل خاصة بالشغل ..

كون حذر وفي قصص عم تصير بالشغل عم تكون سبب عند أعدائك ليحاولوا يأثرو عليك ويضعفوك خليك دقيق ولاتخاف كل شي رح يكون منيح بس انتبه لاتسمح لشخص يستفزك ولاتخالف القوانين ..

عاطفيا .. الشريك ماعم يقدر ظروفك يمكن وعم يكون في حدة بالتعامل معو فانتبه وهدي الاجواء ..

العذراء ♍

يوم لتنطلق تسافر وتنجح فيه ..

استغل نهارك وانتبهلي من حوادث السير وممكن تتعامل مع ناس غريبة اول مرة بتحكي معن يوم ايجابي داعم الك حاول تستفيد منو وادعم مصالحك لتحصل على يلي بدك ياه او تبدا رياضة او دراسة جديدة ..

عاطفيا .. يمكن صار لازم نحط حد للماضي ونفكر بحياتنا وفي حب عم يكبر بالاجواء ..

الميزان ♎

تحسن كبير عندك ومال وحل لقضية شاغلتك ..

عم ترتاح بشكل نسبي وتكون أفضل وبعد اسبوع صعب ممكن هاليوم تهدى فيه وتعيد حساباتك المالية بما يخص الشراكة حاول تقري وجهات النظر وتنتظر حلول لمشكلة قضائية او شفاء من شي مرض اتعبك قبل ..

عاطفيا .. لاتضغط على الشريك وتحملو هالفترة وفرصة هاليوم لمصالحة ..

العقرب ♏

تعامل بهدوء وشراكات جديدة عندك ..

يوم لشراكات جديدة لكن الأجواء بالمجمل كتير فيها ضغط خليك منتبه ولا تنفعل لازم الناس يلي معك تنتبه من ردة فعلك يلي رح تكون مؤذية اذا انفعلت زيادة او اذا استفزوك وفيك تدخل شراكة مع حدا ..

عاطفيا .. يمكن عم تفكر ترتبط بهاليوم او اذا كنت مرتبط فعلاقتك عم تمر بحالة من العصبية وعدم الرضا فانتبه ..

القوس ♐

رتب يومك وانتبه لصحتك ولاتهمل شغلك ..

انت بيوم في كتير قصص ناطرتك ومن الصبح عندك شغل كتير وبتحس انك متعب ومرهق ومو قادر تعمل شي وانو لازم تلحق هالحالة لازم تتخلص منها وتحاول تنهي الاعمال الضرورية وتنتبه كمان لصحتك ..

عاطفيا .. كتير من الاشخاص يلي معك بتظهر اعجابها فيك لكن انت عم تبحث عن الشخص يلي ممكن يعملك فارق بحياتك ..

الجدي ♑

يوم كتير أفضل وحب وحظ معك ..

استغل الحظ يلي معك والتوتر يلي كان وحالة عدم الراحة بتنقلب لاوقات حلوة بهاليوم وبتحل مشاكلك وبتسمع اخبار حلوة وفي عندك فرص بتجيك وبتنبسط بيوم ايجابي رغم كل ضغوط الفترة الماضية ..

عاطفيا ... حاول تطلع من حالتك وعيش رومنسية وحب مع الشريك واذا اعذب فرصة لتلاقي حبك او ترجع حب قديم ..

الدلو ♒

قصة بالبيت بتشغل بالك وموضوع عائلي ..

شاغلتك قصة بالبيت بهاليوم وهالشي عم يخليك قلق ومو مرتاح بالمجمل روق وساير وكون حكيم وحاول تكون هادي وحكيم لتمر الامور على خير وممكن تنقل على مكان شغل جديد او سكن جديد ..

عاطفيا .. بعدك عم تحلى والعيون عليك بس للأسف ماحدا عم يعطيك الحب والاستقرار اللازم ..

الحوت ♓

فرص مهمة بلقاءات وسفر وناس بتحبا ..

عندك لقاءات وتحسن على كتير من الاصعدة بتقدر تسافر وتغير جو وتتلقى اتصالات وتعبر عن رأيك وفرصة لتحصل على موبايل او سيارة جديدة وانتبه اذا حدا من الاخوة بكون بحاجتك وانتبه من الحوادث..

عاطفيا .. لاتزعج حالك بقصص صغيرة وحاول اليوم تعزز علاقتك بالشريك ..