توقعات الأبراج ليوم الاثنين 9 أيلول 2019

10:39
09-09-2019
توقعات الأبراج ليوم الاثنين 9 أيلول 2019

الحمل ♈

لازمك حلول مهنية ولقاء بشخص مهم ..

انت قدام يوم مصيري ولقاءات عندك وتغييرات لشغل وفي أمور مهنية ممكن تحصل معك وعم تكون العيون عليك وفي ناس بدها تشوه سمعتك مشان هيك لاتتسرع وكون منتبه بشغلك ولاتخالف القوانين ..

♡عاطفيا : عم تسمع حكي مو منيح بدي منك ماتعطي اهمية لحدا وفكر بعيد عن كلام الناس ..

الثور ♉

عندك فرص مهنية وعاطفية وناس جديدة ..

الاجواء بتدعم تغييرات ايجابية وانت مليان طاقة وعندك حرية أكبر هاليوم وقادر تنجح وتوصل رايك واذا عم تفكر بسفر يوم مناسب ويمكن تتعرف على اشخاص غريبة عنك وبكون في تحسن بشكل عام ..

♡عاطفيا : تعامل اليوم مع مجريات الأمور بايجابية وكل شي رح يكون متل مابدك وفي تطورات بالعلاقة لصالحك ..

الجوزاء ♊

عندك حلول بمال وكمان عائليا وعقاريا ..

ممكن تحل قصة بالبيت او موضوع عقاري بخص اوراق وعندك تغييرات ويوم اريح نسبيا وبتحس انو الأمور بلشت تنحل هالشي بيدعمك وبيعطيك فرص مالية وخيارات اوضح بعلاقاتك المهنية ومصالحات ..

♡عاطفيا : الامور عندك عم تشهد مصالحات مع الشريك وفي اعادة حسابات بعلاقاتك ..

السرطان ♋

انتبه من ضغوط مهنية وعائلية وهدي ..

حاول تهدي وخاصة مع اخ الك او اذا عندك سفر انتبه من الحوادث ولسيارتك وخليك هادي وكون دبلماسي وماتصعد اي خلاف هاليوم ويمكن انت منيح بشراكات الك او عقد شغل واهم شي خليك رايق ..

♡عاطفيا : فيك بهاليوم تفكر تتم خطبة او ارتباط لكن بعض العلاقات عم تكون صعبة وعم تأثر على الشركاء ..

الأسد ♌

عندك مصاريف وبداية شغل ورتب امورك ..

بتحس بحاجة مال وعم تشتغل عالفاضي فلاتتكاسل هاليوم وخليك مرتب بشغلك وعم تكون كتير مشلوش بأكتر من قصة وفي عندك تراكم بالشغل ومسؤوليات لازم تخلصها وكمان صحيا دير بالك وترتاح ..

♡عاطفيا : الوضع العام منيح لكن عم تحس باهمال الشريك ومو راضي عن علاقتك ..

العذراء ♍

يوم منيح بطاقة وحظ وحب فاستغلو ..

اطمن وغير وضعك للأفضل لأن طاقة الحظ معك وبتكون مميز ويوم بيدعمك كتير بقصصك لتحسن وضعك ونفسيتك وتنبسط بهيك يوم مع ناس بتحبن وكمان ممكن تحل قصة بتخص طفل وتحصل على فرصة ..

♡عاطفيا : استغل يومك لترجع حب قديم او تحسن وضع قلبك مع الشريك ..

الميزان ♎

عندك موضوع عائلي مدايقك وماعم ترتاح ..

يومك بدور ضمن قصص عائلية صحية ووضع بخص الأهل فكون جاهز وانتبه لأن عندك كتير مسؤوليات بالبيت وتغييرات كمان لازم تساعد افراد اسرتك مشان هيك عم تكون مدايق وانتبه عقاريا وروق بتنحل ..

♡عاطفيا : تحديات كبيرة بعلاقتك وعم يأثر عليها وضع البيت عندك حاول تنتبه ..

العقرب ♏

منيح يومك بلقاءات وناس وسفر وتواصل ..

يوم لتحسن الأجواء الاجتماعية والعلاقات عندك خاصة مع الرفقة فحاول تتحرك بهاليوم لتصل ممكن تسافر وتلتقي أشخاص جدد وتكون مقنع بحضورك وطلتك وانتبه من الحوادث ولاحد الأخوة كمان ..

♡عاطفيا : اجواء حلوة ولقاء رومنسي محتمل مع الشريك بهاليوم اذا بدك ..

القوس ♐

عم تصرف كتير وبيجيك مال وبتفكر بشغل ..

حاول تحسن وضعك المالي واستغل نهارك لأن في كتير أمور بالشغل وعم يدور يومك حول قصص مالية ممكن عم تدفع أو عم تقبض او عم تزيد مصاريفك مشان هيك لازم تنتبه وتفكر بشغل جديد ..

♡عاطفيا : حاول بهاليوم تنتبه لصرفك الزايد ويمكن بدك تحب بس مافي مال يساعدك ..

الجدي ♑

يوم جديد بيدعمك بعلاقات ونجاحات وحظ ..

طاقتك كبيرة عم تكون ومن الأيام الجيدة بتتحسن أوضاعك وبساعدك لتصل و لترجع مكانتك بين الناس وتدعم الحظوظ عندك لتثبت حالك وتفتح صفحة جديدة وتكون قادر تغير الوضع وتحسن علاقاتك ..

♡عاطفيا : استغل هاليوم لتتخلص من علاقة تعبتك وفكر بحب يريح قلبك الفترة القادمة ..

الدلو ♒

عندك قصة ماعم تنحل وهدي هاليوم ..

مابتكون عبعضك وعم يتأجل عندك موضوع وبدي منك رواق وكمان لازم تحاول قدر الامكان ماتأمن لأي شخص يوم بيحملك احساس بعدم الراحة لكن مارح يكون سيء اذا عرفت كيف تتصرف وتتجنب الناس ..

♡عاطفيا : وضعك العاطفي مكركب وماعم تعرف شو تعمل او كيف تتعامل مع الشريك ..

الحوت ♓

منيح يومك لتشوف رفقاتك وتحسن وضعك ..

بدي منك تستغل يومك لتعمل واجباتك الاجتماعية وتشوف اشخاص بتحبا وحاول تعزز علاقاتك وشخص بيدعمك هاليوم وعندك طلة حلوة ويوم منيح لتقضيه مع الاصدقاء بمشوار او مشروع او عزيمة ..

♡عاطفيا : بدي منك ماتكبر المشاكل مع الشريك ولا تبقى لحالك بهاليوم حتى ماتتعب نفسيتك ..