الحمل ♈

عندك حلول وطاقة وتحسن بوضعك ..

انت أفضل بكتير قصص وعندك حضور مميز ويوم عم ترجع الثقة بحالك لتغير الامور لصالحك عندك كل الطاقة لتكون مميز وناجح وقادر بهاليوم على قلب الأمور وفتح صفحة جديدة والخروج من التعب يلي أنت فيه وفرصة عمل مهمة ممكنة وتطور جديد ..

عاطفيا .. لاتفكر بالماضي عندك الكثير لتعيشه في المستقبل انطلق ولاتتردد واجواء رومنسية داعمة الك وحب جديد ممكن ..

الثور ♉

مدايق عائليا ومو راضي عن شي ..

كتير قصص زاعجتك بالبيت ومن المقربين ويمكن الضغط عليك صار كتير كبير و بالرغم أنو عم يسيطر التعب عليك وعم تشعر بتوقف كل شيء انتبه لصحتك وماتقوم بأي عمل جديد فترة سلبية عم تمر فيها حاول ماتستفز حدا وتمرق هاليوم على خير وبعدا بيتحسن وضعك ..

عاطفيا .. انتبه من اي كلمة رح تحكيها ولاتكون متسرع لان العلاقة بهاليوم مارح تكون منيحة ..

الجوزاء ♊

اجواء حلوة اجتماعية ورفقة بتدعمك ..

حضورك محبب من الكل وفي تقارب بينك وبين الأصدقاء حاول ماتبقى لوحدك ويمكن حاليا صار بدك سند حقيقي وانت بحالة اجتماعية مميزة الكثير من الأصدقاء حولك وعندك دعم كبير حاول تحصل على المساعدة لتدفع باعمالك واستغل هاليوم منيح وحافظ على علاقاتك ..

عاطفيا .. انت على ابواب خطوات جديدة حاول تحسم امورك وتصرف بمسؤولية تجاه العلاقة ..

السرطان ♋

اخبار لشغل جديد وتحديات كون قدها ..

بدي منك سرعة بديهة وخليك جاهز لتطورات مهمة وعم ينتظرك يوم مهم لازم تثبت نفسك وتتحمل المسؤولية يوم مناسب للي عم يدور على عمل بس بيحتاج للتركيز والهدوء وانتهاز الفرص المناسبة وكمان اذا في شي تعامل مع المسؤولين عنك سيطر على اعصابك ..

عاطفيا .. عم يسيطر عليك الخوف من علاقتك وتشعر بأنك تسرعت أو تشعر بالأهمال فلا تنفعل ..

الأسد ♌

بيتحسن وضعك وبتشوف ناس جديدة ..

يوم من الأيام يلي بتدعمك وعم يكون في عندك تغييرات لصالحك ولقاءات جديدة ويوم حلو بيحملك كتير من الطاقة عندك سفر واتصالات مهمة ممكن تكون خارجية ومع ناس ما بتعرفن فخليك جاهز لتطورات حلوة عندك وحلول لمشاكلك والأمور عم تكون ايجابية عندك ..

عاطفيا .. اخبار حلوة وفرصة للأعذب يفوت بعلاقة حب اليوم وتحسن عام ..

العذراء ♍

ممكن تغييرات ومال وشغل بهاليوم ..

كون قريب من الكل وصلح الأمور وعندك شغل وعم تاخد نفس وترتاح من كل يلي حوليك وبخف التوتر عندك وعم تناقش امور مالية وشغل يمكن عم تفكر كيف تحصل على مصاري من شراكة وعم تسد دين وبتطلع من الضغط يلي سيطر عليك الفترة السابقة ..

عاطفيا .. حاول تحل المشاكل مع الشريك ولا تكون عنيد بردة فعلك لتكسب انت ..

الميزان ♎

فرصة لتعمل شراكة بس الأجواء بعدا مشحونة ..

بدي منك تتصرف بدبلماسيتك المعتادة وعم يكون يوم مهم الك وداعم بعقد او شراكة ويمكن شوي متوتر بتلاقي حالك مو مرتاح وعم تنفعل كتير وضايج بس هانت صدقني بدي تعرف انو طبيعي هاد الشي لاتكبر القصص ولاتفوت بمواجهات لان رح يكون اللوم عليك وطول بالك ..

عاطفيا .. كون متفهم للشريك قدر الامكان لأن الوضع عم يسوء وفرص ارتباط للبعض ..

العقرب ♏

في تعب عندك من شغل وقلق صحي ..

بالرغم من انو يوم في شي ايجابي بس بدي منك تخلص امورك وتنظمها وهاليوم يمكن تكتر عليك القصص واختبار لتحملك حاول هاليوم تنظم حياتك حتى مايلومك حدا انت قدام شغل كتير وممكن تعب صحي فانتبه وكون دقيق وانت قادر تخلص شغلك بس بحاجة سرعة ودقة ..

عاطفيا .. لاتزعل اذا مالقيت الشريك حدك ولازم يتفهم ظروفك هي الفترة ومايلومك أكيد ..

القوس ♐

عندك حظ جيد وحلول عاطفية هاليوم ..

انت مدعوم بالحظ هاليوم حاول تستفيد من هالشي و فرصة مهمة رح تحصل عليها وعندك امور ايجابية بتحصل بتساعدك فلا تخاف كون منتبه واستغل هاليوم والحظ بيدعمك بقوة وعندك القدرة تصل للي بدك ياه وحتى تفكر بانجاب اذا بدك ..

عاطفيا .. يوم رومنسي بيتجدد فيه حبك او بتحصل على حب جديد وبتكون جذاب جدا للجنس الآخر وقادر تلاقي فرصتك .

الجدي ♑

بدي منك تروق مع عيلتك وانتبه عقاريا ..

القصص عم تزيد الضغط عليك بالبيت وعم تفكر كتير وبدك حلول وأحداث مهمة رح تحصل اليوم على صعيد العيلة والبيت عندك وممكن تشغل بالك حاول تكون هادي وتصرف بحكمة ولاتخلي هالشي يأثر عليك سلبا خليك قوي ويمكن في تصليحات ببيتك ..

عاطفيا .. عم تشعر بتقرب الكتير منك والأعجاب بس خايف من العلاقة ومافي شي عم يكمل ..

الدلو ♒

عندك قدرة على النجاح ويومك جيد بكون ..

تواصلك جيد مع الكل بهيك يوم وبتعرف كيف تصل وتقنع وعندك يوم مناسب لتصل لهدفك خليك سريع وخلص بعض الامور يوم منيح نسبيا فيه كتير من الحركة ومن اللقاءات بتحس حالك بطاقة عالية ممكن تسافر وتعمل شي ايجابي وتطورات ناطرتك وخلي بالك من الحوادث..

عاطفيا .. الاصدقاء عم يظهرو اعجاب فيك حاول تكون واعي لهالشي وتفكر بقلبك وعقلك وتختار صح ..

الحوت ♓

مال بيجيك لكن صرفك زايد كتير ..

يوم جيد لتكسب فيه وبتشغلك فيه احداث فيها دفع وقبض عندك حاول لاتضل لحالك واستفيد من هاليوم لتدعم شغلك وتضبط ميزانيتك انتبه من المصاريف الزايدة وتعامل بحذر ماليا وممكن يجيك مكسب من شغلك وعندك فرص شغل جديد بالمجمل ..

عاطفيا .. عم تبحث عالاستقرار بس عم تلاقي صعوبة ومشاكل بوجهك اهدى ولا تكون متردد هيك خطوة بدها دراسة ..