توقعات الابراج ليوم الخميس 3 يناير 2019

10:27
03-01-2019
توقعات الابراج ليوم الخميس 3 يناير 2019

الحمل ♈

من افضل الأيام لتواصل ونجاح ولقاءات جديدة ..

ناجح انت ومقنع ويوم عندك من افضل ايام الشهر عم تعيش فترة حلوة فيها انجاز ونجاح عندك اتصالات كتير واحتمال لسفر ومشروع جديد يمكن بس لا تفكر بقصص الماضي وكون ايجابي وتفائل . .

عاطفيا .. خليك واضح بعلاقتك وعبر عن الشي يلي بدك ياه لان الحظ عم يدعمك .

الثور ♉

تطورات حلوة مال حلول ومصالحات ..

بترتاح وعم يكون يومك أفضل بالتعامل وفي مال عندك من ميراث او شراكة وتحل قضية تاعبتك حاول تصلح اخطائك واستعيد ثقة الناس فيك وكون بوضع أفضل لاتحاول تجرح حدا وتجنب المواجهة ..

عاطفيا .. تشتت وحيرة كبيرة عم تسيطر عليك وماعم تعرف شو بدك وولا شي عم يكمل معك

الجوزاء ♊

يوم لشراكات وعلاقات بس هدي ولا تتوتر ..

بدي منك تحاول تروق لأن عندك ضغط واي كلمة عم تزعجك حاول تهدى وتعزز شراكتك بالشغل وكون مرن ودبلماسي لا تتسرع بالحكم ولاتنفعل على حدا لان الحق رح يكون عليك وفرصة لتبدا شراكة ..

عاطفيا .. لاتستفز الشريك هاليوم لان انت رح تكون الخاسر حاول تحل المشاكل بهدوء واصبر وفرصة البعض لارتباط ..

السرطان ♋

كون جاهز ليومك ونظم وقتك وانتبهلي صحيا ..

بدي منك تحاول ترتب أمور الشغل و خليك ذكي ونظم وقتك واكلك يعني عندك ورشات وشغل يمكن لاتتأخر لان الوقت مو معك ابدا وريحلي حالك شوي مشان صحتك ولاتنفعل ودير بالك عحالك ..

عاطفيا .. انت بحاجة لدعم الشريك بهالفترة وقدر الامكان لاتعصب عليه وخليك رايق

الأسد ♌

حظوظك بتتحسن وعاطفيا منيح وضعك ..

الحظ معك ويوم حلو فيه كتير اشيا رح تنحل عندك ورح تكون بموقع منيح بالنسبة للناس يلي حوليك لاتكون عصبي كتير ولاتخلي كلام الناس يجرحك وحاول تتصرف بذكى وعفوية وصدق متل عادتك ..

عاطفيا .. من الايام المميزة يلي انت بحاجة الها لتعزز علاقتك بالحبيب وتصلح الامور وفرصةةخطبة ..

العذراء ♍

قصص بالبيت ومناسبة عائلية وتغييرات ..

بهاليوم بدي منك تستوعب اهل بيتك و حاول تضبط اعصابك ولاتعمل مشاكل وتخسر حدا قريب منك يمكن مشغول بالك على حدا من عيلتك كون حدو هالفترة وعندك قصص عقارية او تغيير مكان سكن وشغل ..

عاطفيا .. انت ما عم تتقبل اهمال الحبيب لإلك بس تفهم وضعو وراعي الظروف تبعو .

الميزان ♎

تطورات وحركة وتغيير وسفر ولقاءات..

بهاليوم بتكون شاطر أنت و يوم مفيد لإلك للحركة وتعزز مصالحك عندك فرص ممتازة وبتعتمد على مهارتك لاتتوقف لان رح تكون قادر تصنع الكتير هاليوم وتصل للتميز بعملك وتنجح دراسيا وتكون مقنع وتسافر. .

عاطفيا .. في معجبين كتير اليوم وامورك العاطفية أفضل استغلها وتقرب من ناس بتحبن .

العقرب ♏

تطورات مالية بتدعمك لكن الصرف عم يزيد ..

عم يكون يوم اهدى من قبل عم تدفع وعم تقبض فيه مصاري انتبهلي لمصروفك الزايد واطلب من حدا دين اذا بدك وفي عندك مكاسب اليوم اذا ناطر هالشي وبدي منك تنظم حالك ماديا حتى ماتفوت بمأزق . .

عاطفيا .. انتبه لمشاعر الشريك من كلامك وصراحتك وماتكون متسرع ..

القوس ♐

تغييرات مهمة وايجابية لصالحك وبداية جديدة ..

مدعوم بالحظ وطاقتك عالية ورح تحس بتحسن وعندك القدرة تنجز كتير من امورك وتصل بهاليوم بادر لاي شي حابب تعملو وفرصة خطبة والحظ عم يدعمك وعم تحل المشاكل العالقة وتفتح صفحة جديدة ..

عاطفيا .. وقت مهم لحل مشاكل علاقتك او البداية من جديد وتحسن كبير بوضعك ..

الجدي ♑

في عرقلة او قصة بتتأجل عندك فاصبر شوي ..

شغلات عم توقف عندك وماعم تتيسر وهالشي رح يتعبك ويفقدك القدرة على انجاز شي فاصبر ولاتتسرع باي قرار بدي منك ماتحاول تحسم امورك وارتاح وانتبهلي لصحتك واترك اليوم يمر على خير ..

عاطفيا .. تأجيل وعدم رضا عن تصرفات الشريك لاتتسرع بالحكم وخليك حكيم

الدلو ♒

يوم حلو باللقاءات والناس يلي بتدعمك ..

عندك حضور حلو ويوم منيح للعلاقات الاجتماعية لتعزز روابطك ولتلاقي حالك باكتر من مكان وتقدر تلفت النظر انت عم تتلقى مساعدة من الأصدقاء ومشرق والعيون عليك وقادر تجذب الناس إلك .

عاطفيا .. بالرغم من بعض المشاكل بالعلاقة بس هاليوم رح يكون في اوقات حلوة ورومنسية.

الحوت ♓

يوم لقصة مهمة بشغل واختبار الك ..

هاليوم العيون عليك وعم تعيش حالة من التوتر بالشغل وبتحس في مشاكل ممكنة حاول تهدى ورح يكون كل شي منيح وحافظ على سمعتك وطور شغلك وفكر بعيد عن الاستفزاز لتصل لهدفك . .

عاطفيا .. ماعم تفهم الشريك وحاسس انو في شي ماعم يريحك حاول تبعد التوتر عنك هالفترة