الحمل ♈

بداية نهارك صعبة ومن الضهر وبعد وضعك تمام ..

الصبح في توتر بالعلاقات عندك وبتكون الصبح مو كتير مرتاح ومن الضهر أفضل وممكن تسمع خبر حلو عم تطلع من حالة الركود ويكون في شي الك ممكن قصة بتنحل او شي جديد فخليك مستعد ورجع مكانتك..

عاطفيا ..من بعد صباح صعب انت افضل فلا تنطر الماضي وفكر بارتباط او استقرار حتى ترتاح ..

الثور ♉

استغل صباحك والمسا انتبه وخاصة عائليا ..

بدي منك تستغل نهارك حاول تشتغل وتلتقي رفقاتك صباحا وحاول تخلص امورك الصبح لان الضهر عندك توتر وعدم راحة وبتحس انو الدنيا مسكرة انت هيك رح تكون لكن الأمور مو بهالسوء بس هدي ..

عاطفيا .. لازم تعيش يومك بهدوء بهاليوم ويفضل تعيد حساباتك بعلاقتك هاليوم ..

توقعات برج الجوزاء اليوم الاثنين 22 يوليو 2019 منيب الشيخ

الجوزاء ♊

تطورات ايجابية بشغل ولقاءات وعزايم عندك ..

بدي منك تكون ايجابي واستغل الصبح لشغل وقصص مهنية ومن الضهر عم تتلقى مساعدة صديق اذا بدك وعم تنعزم وهالشي بخليك افضل ووضعك مريح نسبيا ضمن الضغوط العامة فاستغل هاليوم ..

عاطفيا .. لازم تفكر اكتر بعلاقاتك وتحاول تحل الأمور وماتتنازل حتى لو بتحب الشخص ..

السرطان ♋

عندك اجواء حلوة وفرصة شغل مهمة ..

انت بأفضل حال وعم يكون صباحك حلو بلقاءات وحركة ومن الضهر عندك فرصة شغل مهمو وحاول تبقى بعيد عن الانفعال وانتبه بمجال عملك حتى ماحدا ينتقدك وحاول تنجز شي وتكون دقيق بشغلك ..

عاطفيا .. انت بحالة عاطفية مميزة لكن في شوية حساسية انتبه من هالشي وروق ..

الأسد ♌

يومك جيد في حلول مال ولقاءات جديدة ..

عم تتغير أوضاعك للأفضل وفي مال وتحسن ومن الأوقات الحلوة عندك بعد الضهر يلي بتحملك سفر واتصالات مع ناس غرباء عنك اول مرة بتحكين والاوضاع بتاخدك لبداية شي جديد بحياتك وبتنجح هاليوم ..

عاطفيا .. يومك حلو عاطفيا والأوضاع عندك عم تاخد طابع أيجايي بالمجمل ..

العذراء ♍

شراكات جديدة ومن الضهر تحسن بوضعك ..

كون بعيد عن المواجهات وبدي منك تحاول تروق الصبح ولاتصعد اي خلاف وبعد الضهر عم تخلص من القضايا العالقة عندك وحلها ورتب امورك المالية وعم تصرف كتير و ميراث وقصة قضائية بتشغلك ..

عاطفيا .. حاول بهاليوم تبتعد عن الزعل ولا تفكر بالماضي الوضع رح يتحسن عندك قريبا ..

الميزان ♎

رتب يومك وانتبه صحيا وهدي بالشراكات ..

عندك نهار طويل وبدي منك تحاول تنتبه عندك شغل ومسؤوليات وقصة صحية صباحا وبعد الضهر بتتوتر العلاقات مع الناس حاول تهدى وعندك فرصة لاتمام شراكة او عقد عندك وممكن شغل مع شريك ..

عاطفيا .. كون رايق بعلاقتك وحاول تفكر بخطبة وماتصعد اي خلاف المسا ..

العقرب ♏

منيح نهارك وفي فرص شغل وانتبه لصحتك ..

عم يكون يومك حلو بحظ وفرص وبعد الضهر عم تحس انك مرهق والشغل كتير عليك وهالشي عم يتركك بحالة من التعب لكن انت امام تطورات ايجابية اذا ما اهملت شغلك وكمان انتبهلي لصحتك ..

عاطفيا .. بدي منك تطمن ولاتقلق مشان العلاقة لأن منيحة الصبح وهدي المسا حتى يكون في حلول ..

القوس ♐

انتبه صباحا لعيلتك وبعد الضهر تمام امورك ..

شوية قصص بالبيت الصبح عندك وبعد الضهر الأمور بالمجمل عم تحطك بالمكان المناسب عندك فرص وحظ واوقات حلوة ونجاح اذا بدك المهم استغل هيك يوم واستفيد من العروض المقدمة الك ..

عاطفيا .. يوم رومنسي بامتياز فيك فيه تعزز علاقتك او تبدا حب جديد اذا اعذب وحتى ممكن يرجعلك حب قديم ..

الجدي ♑

لقاءات وتواصل وقصة بعيلتك انتبه الها ..

بدي منك تتصرف بهدوء واستغل الصبح عندك وحاول تخلص أمورك ببداية النهار لتنجح وتصل وبعد الضهر عم تشعر بمسؤوليات كبيرة عليك وانت مو قادر تحلها خاصة بما يخص بيتك وعائلتك والوضع العام ..

عاطفيا .. بهاليوم مو عبعضك و بتشعر بالاهمال ومو مرتاح حاول تلاقي شخص يريح قلبك مو يتعبو ..

الدلو ♒

عندك فرص مالية ونجاح بهاليوم ولقاءات ..

انتبه ماليا ومن الصبح مصاريف زايدة عندك ياها وبعد الضهر فرصة لتطلع مشوار لتسافر لتتلقى اتصالات لتلتقي عالم ولتقنع برأيك وانتبهلي من حوادث السيارات وحاول تنجز امورك وفي قصة بتخص موبايلك ..

عاطفيا .. فترة ايجابية عم تمر فيها فيك اليوم تطلع مشوار مع الشريك وتعزز العلاقة ..

الحوت ♓

انفراجات عندك وحلول ومال هاليوم ..

من الأيام يلي فيها خطوات ايجابية وخاصة بداية يومك وفي حلول ومن الضهر عم تفكر اليوم بموارد مالية جديدة او كيف بدك تحسن شغلك ويكون في مردود افضل او انو تبدا شغل جديد وانتبه لصرفك ..

عاطفيا .. بهاليوم انت قدام نجاح عاطفي اذا قررت تستقر فكون جاهز واختار صح ..