توقعات الأبراج ليوم 14 ديسمبر 2018

10:41
14-12-2018
توقعات الأبراج ليوم 14 ديسمبر 2018

الحمل ♈

جو من عدم الراحة بخليك مدايق شوي ..

ماتخاف يوم وبمر يمكن في شي مدايقك والأمور مسكرة بوجهك ضغط كبير وتعب والناس متغيرة معك حاول تبعد عن اي شي ممكن يأذيك ولاتحاول تحسم شي وانتبه لصحتك هاليوم ولاتفوت بقصص جديدة بهاليوم كمان ..

عاطفيا .. مشكلة بتكبر مع الشريك وبتفقد الامل بالحلول وبتحس انو ماعاد في رجعة ..

الثور ♉

أجواء اجتماعية ولقاءات حلوة عندك ..

يوم انت فيه ملفت بحضورك وكتير عزايم وجو من اللقاءات والحالة الاجتماعية المميزة رح تعيشو هاليوم رح تحس بدعم الناس الك ومساعدتها استفيد من هالشي وحاول تعزز علاقاتك مع رفقاتك وتطلب مساعدة اذا احتجت هالشي ..

عاطفيا .. العيون عليك مشرق وعم تكون محبوب وممكن صداقة تتحول لحب بس انت تجنب الأشخاص يلي بوجهين ..

الجوزاء ♊

قصص بتزعجك والبعض بدو يشوه سمعتك ..

هاليوم لازم تكون جاهز وحاضر وبدي منك انتباه بشغلك وكون دقيق ولاتتأخر لأن يوم عم يحاول فيه بعض الناس تشويه سمعتك بالعمل فانتبه وخليك جاهز لاي موقف حتى مايأثر عليك ورتب امورك وخاصة اذا عندك امتحان او اختبار ..

عاطفيا .. انت بحاجة لحدا ينسيك حياتك ويحبك عنجد وهالشي قادم بس كون رومنسي شوي بتعاملك ..

السرطان ♋

حلو يومك في سفر وتواصل افضل ..

عم ترتاح هاليوم نسبيا وعم تفكر بالسفر كتير وعم تتلقى اتصالات من ناس بعاد او مابتعرفها لاول مرة بتحكيك وعم يكون في شغل جديد لالك فحاول تكون مستعد لهالشي وحتى وضعك العام بيتحسن بشكل كبير هاليوم ..

عاطفيا .. عم ترجع ثقتك بحالك والحبيب عم يحكيك وتعيش اوقات رومنسية معو ..

الأسد ♌

بتتحسن اوضاعك بمال وحلول وعاطفة ..

بتطلع من وضعك الصعب هاليوم وبتكون أفضل وبتشعر بشوية راحة ابحث عن حلول للمشاكل يلي صارت بدي منك تحاول تضبط ميزانيتك وماتصرف كتير وتفكر بصحتك دايما ولازم تخلص من قصص البيت لأن عم تشغلك ..

عاطفيا .. انت بحاجة للراحة والتفكير قبل ماترجع لعلاقتك لان تعبتك كتير ..

العذراء ♍

شراكات عندك وقصص مهنية بدها رواق ..

بدي منك تعرف تتصرف بالمواقف الصعبة وتحاول تستوعب الناس بهاليوم وساير و بدي منك بهاليوم تعزز شراكاتك وبهدوء تام انتبه من المواجهات لان اي كلمة ممكن تعملك مشكلة وابتعد عن الاشخاص المستفزين وخاصة الشركاء الك ..

عاطفيا .. لا تعمل شي اليوم لأن رح ينحط اللوم عليك فحاول قدر الامكان تهدي الأمور مع الشريك وممكن البعض يتم خطبة

الميزان ♎

أمور بالشغل عندك وقصص صحية ..

قصص مهنية وشغل عندك فبدي منك تنظم امورك بالشغل وتخلص الضروري منها وكمان تنتبه وتحاول تنهي الضروري وكمان صحتك لاتهملها لان في عندك عارض صحي ممكن تمر فيه ويمكن تبدا شغل جديد او تغير شغلك بهاليوم ..

عاطفيا .. كتير من الأمور بحاجة لحل بعلاقتك مع الشريك ولازم تكون حاسم بوضعك العاطفي ..

العقرب ♏

بتنحلة مشاكل عندك والعاطفة افضل ..

صح تعبت بوضع عيلتك ويمكن التوتر عم يزيد وماعم يخليك مرتاح ويمكن بحاجة أشخاص حدك بس من هاليوم رح يتغير كل شي رح تحس بالحظ رجع يدعمك وراحة واستقرار بوضعك وحتى في فرص جديدة قادمة ..

عاطفيا .. فرصة اليوم لترجع حبك القديم او حتى تبدأ حب جديد الحظ بيدعمك .

القوس ♐

يوم في قصص بالبيت وتغييرات بمكانك ..

بتكون بوضع حساس مع المقربين وبتشغلك هاليوم قصة بتخص عيلتك او بيتك عم يزيدو الوضع سوء عندك وعم يخلوك مو مرتاح من الوضع مابدي تخاف أو تكبرها حاول تكون هادي ومو ناقصك تعب صحي وامورك رح تتغير للأفضل ..

عاطفيا .. لاتتخذ قرارات مصيرية بعلاقتك ولاتزعل على حبيب ماكان منيح معك ..

الجدي ♑

حركة وسفر وتطورات حلوة الك ..

بتكون قادر تقلب الأمور لصالحك بهاليوم وبتحل مشكلة وقادر تقنع بهاليوم وفرصة لتتحرك لتسافر لتتلقى اتصالات كتير وتكون مميز بحضورك ودراسيا يوم مميز فلاتتردد وحاول تطور عملك وتنجح اذا بدك بدعم الناس يلي حوليك ..

عاطفيا .. لاتكبر المشاكل واليوم لتحكي الشريك وتصل لحلول مرضية الك ..

الدلو ♒

حاول تدير بالك لصرفك ووضعك المالي هاليوم ..

يومك ببلش بكسل وبتحب تنام وترتاح وصار لازم تلاقي حل هاليوم ممكن تحصل على مصاري وتحسن وضعك بس انتبه كمان لمصروفك الزايد ممكن تحصل هاليوم على فكرة لبداية شغل أو مشروع جديد بساعدك لتلاقي موارد غير فكون جاهز ..

عاطفيا .. انت بدك استقرار والشريك ماعم يسأل حاول تقرب وجهات النظر وتلاقي حل ..

الحوت ♓

تطورات مهمة واخبار حلوة عندك بهاليوم ..

انت بحال أفضل بهاليوم وعم ترجع مكانتك وتسيطر وكل شي كان صعب بينحل وعم تطلع من وضعك وترجع ثقة الناس فيك عندك فرصة لتحل مشاكلك وتغير كل شي لمصلحتك وتبدا من جديد وتكون انت المسيطر على كل شي ..

عاطفيا .. خبر حلو رح تسمعو وممكن تتلقى اعتذار على موقف صار ورح تحس انو الأمور أفضل مع الشريك ..