توقعات الأبراج ليوم الجمعة 4 يناير 2019

10:17
04-01-2019
توقعات الأبراج ليوم الجمعة 4 يناير 2019

بـــــــــــ الحمل ـــــــــــرج

بكرا بتحس حالك شوي مرهق وبحاجه للراحه بعد فتره من الحركه والنشاط وفيك تهتمّ بأمورك المنزليّه والعمل الروتينيّ ..بتكون هالفتره مرن وسهل الإقناع بس حاول تنتبه عالصحه وفي شي ايجابيّ وهو وجود تثليث بين القمر وزحل وهاد الشي لازم تستغلّو وخاصّه بتخطي معارضيك وتعمل صلح مع الآخرين .. ومزاجك لبكرا 70% عاطفه اورانوس مواجه للزهره يلي بحالة تراجع يعني راح تكون في مفاجآت غير متوقعه و غريبه بالفتره القادمه ..وافضل شريك لبكرا الأسد والميزان والقوس والجوزاء والجدي والحمل والدلو ..

من صفحة الأبراج :

بـــــــــــ الثور ـــــــــــرج

تعتبر هي الأيام افضل وفيها حظوظ رائعه..وطبعك رايق وبيميل يكون مشاكس وصريح وخاصه عم تفرض رأيك بثقه وجاذبيتك عاليه..بكرا بتهتمّ بأمور التسليه والحب ويمكن تشتري شي لإلك .. الزهره عم تبلش تأثيرها السلبي نسبيّاً عالعشريه الأولى للثور بالنواحي العاطفيه .. ومزاجك لبكرا 80% عاطفه يومين القادمين بتكون أقل جديّه وعندك شوية استهتار .. وافضل شريك لبكرا العذراء والثور والعقرب والجدي والسرطان والحوت ..

بـــــــــــ الجوزاء ـــــــــــرج

بالغدّ ممكن يكون التعب بالأمور العائليه والعاطفيه ..مابيعني ماعندك حظ بأمور تانيه و تثليث زحل للقمر بكرا بيخليك اكثر نشاط وصحّه و عالي المسؤوليه وبتقدر تتجاوز حالات التعب النفسي وبتكون اجتماعي ..عطارد كوكبك مازال عم يقدملك دعم بنواحي التجديد وشؤونك الشخصيه ..ومزاجك لبكرا 60% عاطفه تأجيل هاليومين بأمور العاطفه بس اتوقع خلال الايام المقبله تتطوّر علاقه بإطار صداقه او يكون في تجديد ..وافضل شريك لبكرا الحمل والأسد والقوس والميزان والدلو والجوزاء والعذراء ..

بـــــــــــ السرطان ـــــــــــرج

باليومين القادمين عندك تطورات مهمّه خاصه بمجال العاطفه والعمل و المال.. وبكرا بتحالفك الحظوظ وبتلاقي دعم من ناس بتثق فيهم ..بتقدر تتكل ع غيرك يلي بيقدملك خدمه ومساعده ..تثليث زحل للقمر بيعطيك صحّه جسديه ونفسيه وميل لتعيش بكل حريه وتتصالح مع غيرك وفرص عاطفيه .. بترجعلك الحاله المستقرّه وعلاقاتك بأفضل حال..ومزاجك لبكرا 85% عاطفه زحل ببيت الارتباط بيثلث القمر كوكبك يعني بتتقدم خطوات جداً مهمّه وكلشي بيصير لصالحك ..وافضل شريك لبكرا الحوت والجدي والعذراء والعقرب والسرطان والثور ..

بـــــــــــ الأسد ـــــــــــرج

بالغد عندك بعض الهموم العائليه أو الماليه وكمان عم تكون مبذر متهور ..لكن يوم جيدّ بالحظوظ الاجتماعيه بس احذر هالفتره من تربيع سلبيّ بين بلوتو و الشمس بتحس ببعض التعب النفسي وهي الزوايه بتزيد شعورك بالحزن و ممكن تلاحظ إنو اعدائك عم يكترو .. ومزاجك لبكرا 60% عاطفه الغضب والعصبيه غالبين ع طبعك و الافضل ماتتهور وتستعجل بالخصام ..سيطر ع حالك وانتظر يومين لترجعلك الحظوظ ..وافضل شريك لبكرا الدلو والحمل والميزان والقوس والجوزاء والأسد ..

بـــــــــــ العذراء ـــــــــــرج

بكرا القمر عندك واليوم بالليل بينتقل لبيتك الشخصي و بيعطيك الحظّ والجاذبّيه والارتياح النفسي يلي بيظهر ع وجهك ومن الصباح بتكون مرتاح ومروّق وبتهتمّ بشكلك وجاذبيتك عاليه ..بتتجه ترفّه عن حالك و تتسوّق لنفسك..القمر بيعمل تثليث مع زحل راح تكون هالنقطه لصالحك هاد افضل وقت تقوم بخطوات مهمّه ..ومزاجك لبكرا 85% عاطفه كمان بتحس بثقه بحظك و بحالك وممكن عندك تحوّل للأفضل بيعطيك استقرار وحلول وفرص الارتباط.. وافضل شريك لبكرا الجدي والثور والحوت والسرطان والجوزاء والعقرب والعذراء ..

بـــــــــــ الميزان ـــــــــــرج

‏بكرا بتحسّ بكسل وقلة العزيمه.. وبيزداد شعورك السلبي بإنك مضحي وممكن تندم ع أمر .. والقمر بيعطيك طبع عصبي ومتوتر وانتبه خلال اليوم من كلامك ومراسلاتك حاول تأجل الامور المهمّه ..وخففّ شعور الندم ولاتيأس من يلي حولك..الشمس وعطارد عندك بيقدمولك دعم وحظوظ المهم هاليومين لاتكون سلبي .. ومزاجك لبكرا 55% عاطفه بدك تحذر هاليومين بعلاقتك العاطفيه وممكن يصير تغيير مفاجئ او خلاف غير منتظر ..لاتتصرف ع كيفك ودائما" حط الشريك بكل أمر ..وممكن بالاصل ماعم تكون راضي عن الطرف الآخر .. وافضل شريك لبكرا الحمل والأسد والميزان والقوس والدلو والجوزاء ..

بـــــــــــ العقرب ـــــــــــرج

بهاليومين بتكون مليء طاقه ونشاط وتصميم ..فتره فيها مكاسب وتطورات واحراز تقدم بمجال العمل والعلاقات وخاصه ممكن تتحرر من وضع متعبك.. بكرا بتعيش أجواء بتسعدك مع اصدقاء ومعارف وبيكون كلامك مسموع .. بتتلقى دعم جيد من اشخاص بعاد وغرباء..كمان بتحصل ع فوائد ماديه جيده .. ومزاجك لبكرا 80% عاطفه عم بتكون اكثر مرونه وتقبل لعلاقه كنت زهدان فيها ..وانت بتتصرف بطريقه قادر تكون محبوب .. تراجع الزهره عم يأثر ع العشريه الأولى ..وافضل شريك لبكرا الحوت السرطان والعذراء والثور والعقرب والجدي ..

بـــــــــــ القوس ـــــــــــرج

انت بشكل عام عم تحب التغيير .. بتحاول تحرق المراحل بسرعه وعم تكون مشغول بكتير أمور ..بالعمل الشخصي واثبات نفسك وبعلاقتك العاطفيه..اتأكد عندك حظوظ جيّده لصالحك وخاصّه بمسائل القرارات والتحايل عالظروف ..القمر مثلث زحل يلي ببيت مالك فيك هاليومين تعمل خطوه ماليه او شراء وتجاره ..بكرا خففّ قلقلك وتوترك.. وكون متفائل وكلشي راح يمشي لصالحك .. ومزاجك لبكرا 65% عاطفه بتستفاد هالايام كون عطارد بالاصل بيحكم بيت العاطفه وهو بآخر درجاته بالميزان وراح تكون عندك علاقة صداقه وغالبا" بتتطور بس مابنصحك تطورها بفترة تراجع الزهره خاصه اذا كنت من اول عشريه..وافضل شريك لبكرا الأسـد والميزان والحمل والدلــو والقوس والجوزاء ..

بـــــــــــ الجدي ـــــــــــرج

بكرا يوم للتجديد وبتحسّ بمعنويّات أعلى يمكن بتفرح بخبر بيخص مستقبل العمل او العاطفه او حتى وضعك الشخصي ككلّ..يعني عندك مرحله جيده بشكل عامّ وافضل توقيت لكلشب مؤجل وخاصّه بنواحي العمل والتعليم وتوقيع أوراق والتعامل مع الغرباء ..حاول تكون شجاع اكثر ولاتكون خجول وعندك فرصه لتحسّن أمور المعيشه .. ومزاجك لبكرا 80% عاطفه وجود تثليث بين زحل والقمر انت المستفيد الاكبر بتكون روابطك قويه ومنسجم وشديد الاخلاص بعلاقتك.. وافضل شريك لبكرا الثور والعقرب والعذراء والدلو والحمل والسرطان والجدي ..

بـــــــــــ الدلو ـــــــــــرج

عم تحاول تهتمّ بنفسك وأمورك الشخصيّه وتكتفي بالمقربين جدا" .. مع تواجد القمر بالعذراء بتحسّ برغبه بالعزله أو الهروب من الواقع ويمكن تفضل ماتحكي وتخالط الناس وبتحب تراقب عن بعد.. بتلجأ فقط للشخص المقرب.. المهمّ حافظ على هدوء اعصابك ولوكنت حاسس انك مخذول بس اتجاهل كلشي واهتمّ بنجاحك.. وعندك فرص لمكاسب بدون مجهود.. و مزاجك لبكرا 65% عاطفه في احساس بالأمن والتخلّص من وضع كان صعب والفتره القادمه انت الاكثر حظ.. وافضل شريك لبكرا الأسد والميزان والدلـو والحمـل والقوس والجوزاء ..

بـــــــــــ الحوت ـــــــــــرج

اليومين الجايين بيكون الوضع جيّد جدا" وبتميل للمشاركه الاجتماعيه وتعمل أجواء مع الاصدقاء ..هالفتره بتبحث عن العلاقات المتينه القويّه وعندك طاقه وإراده للتغيير ..المهم لاتكون خياليّ لأن نبتون بيواجه القمر..انت بتحاول تكون اكثر مثاليّه وبتهتم بعلاقاتك يلي كانت متوتره مع ناس قريبه إلك ..حظك افضل بالفتره القادمه بس ممكن تكون أنانيّ أو تتنصّل من وعودك ..ومزاجك لبكرا 75% عاطفه بتتجه أمورك للأحسن و بتنحلّ الصعوبات بشكل سلس المهمّ انت راقب وشوف التغييرات الايجابيه وخاصه الفرص بالارتباط والاستقرار بس هالتغييرات مابتطال العشريه الأولى ..وافضل شريك لبكرا العــذراء والحـوت والعـقرب والجدي والسرطان والثور ..