أعلن النجم المصري تامر حسني آخر مستجدات الحالة الصحية لابنه “آدم”، وذلك بعد خضوعه لعملية جراحية ثانية إثر تعرّضه لأزمة صحية.
في التفاصيل، نشر تامر حسني عبر حسابه الرسمي على إنستغرام منشورًا جاء فيه:” لكل الغاليين اللي اهتموا بتعب ابني الحمد لله الوضع مستقر بعد العملية التانية وخرج من العناية المركزة بفضل الله ثم دعواتكم، اللي لو عشت أشكركم عمري كله مش هوفي حقكم وربنا يتمم الشفاء على خير، ودايمًا بقول على دعواتكم الكريمة لكم مثلها وأضعاف أضعافها… شكرًا يا أغلى الناس ربنا يحفظكم ويحفظ ولادكم قادر يا كريم”
مع الإشارة إلى أنّ تامر حسني كان قد نشر عبر حسابه الرسمي على إنستغرام رسالة كشف فيها جميع التفاصيل المتعلّقة بحالة ابنه الصحيّة وكتب:”أنا مش عارف أشكركم إزاي على كمّ الدعوات اللي دعيتوها لربنا لشفاء آدم ابني اللي جاتلي منكم هنا وعلى تليفوني وتليفونات كل المحيطين بيا هو عمل عمليتين كبار بسبب انفجار الزايدة المفاجئ، اللي كانت أعراضه سخونية عادية بس.”
وأضاف:” بقولكم كده عشان تبقوا حريصين مع نفسكم أكتر ولولادكم، ومش كل سخونية تقولوا ده شوية برد وخلاص، لا روحوا اكشفوا كويس واعملوا سونار على البطن والزايدة مرة و٢ عشان برضو ساعات مش بيبان ولازم الدكتور يضغط بطريقة معيّنة، تقريباً أقوى شوية عشان يعرف لإني سمعت كتير اليومين دول إن الزايدة خادعة”
تابع:” اطمنوا كذا مرة قبل لحظة انفجارها عشان بجد مشاكل بتحصل بعدها كبيرة ومحزنة أوي وحبيبي آدم عمل عمليتين صعبين أوي عليه وبدعواتكم مستنيين النتايج تكون خير يارب ويعدي مرحلة الخطر”
يمكنكم نشر مقتطفات من المقال الحاضر، ما حده الاقصى 25% من مجموع المقال، شرط: ذكر اسم المؤلف والناشر ووضع رابط Aghani Aghani (URL) الإلكتروني الذي يحيل الى مكان مصدر المقال، تحت طائلة تطبيق احكام قانون حماية الملكية الفكرية.
