كشفت الممثلة المصرية ملك زاهر، ابنة الممثل أحمد زاهر، عن تعرضها لوعكة صحية مفاجئة منذ 3 أيام، و عجز الأطباء عن تحديد السبب حتى الآن، مؤكدة أن حالتها النفسية تمر بمرحلة صعبة بسبب ما تعانيه.
في التفاصيل، نشرت ملك زاهر عبر الخاصية القصصية في حسابها على انستغرام ، صورة في المستشفى وعلّقت كاتبة:”عمري ما كنت بنزّل غير الحاجات اللطيفة أو المواقف المضحكة أو أي شيء إيجابي، وحتى لما كنت بنزّل حاجة سلبية، كنت باخدها بهزار وبشاركها بس مع الـClose Friends. لكن مؤخرًا لاحظت إن في تعليقات كتير كلها طاقة سلبية، من نوع: (إنتِ عايشة ومبسوطة وإحنا مش)، وكأن الناس مش قادرة تتقبل إن في حاجات بسيطة ممكن تفرّحني، زي خروجة مع صحابي أو إني أروح الجيم”.
أضافت: “حبيت أوضح إن حياتي مش كلها وردية، أنا بقالي 3 أيام تعبانة، وفجأة حصلتلي حاجة صحية لحد دلوقتي الأطباء مش عارفين سببها، وده مأثر عليا نفسيًا بشكل كبير. بقول الكلام ده علشان الناس تفهم إن ورا الصور والفيديوهات الحلوة على السوشيال ميديا، في جوانب تانية من حياتنا مش بنحب نشاركها”.
تابعت: “رغم اللي حصلي، أنا حمد لله راضية، ومؤمنة إن ده اختبار بسيط وإن شاء الله هعدي منه بسلام، بس حقيقي نفسيتي تعبانة، وكل اللي طالبة منكم إنكم ما تحكموش على حياة أي حد من مجرد صور أو فيديوهات.. لأنها مش بتظهر غير جزء صغير جدًا من الواقع”.
وختمت زاهر كاتبة: “الهدف من الستوري مش إن حد يقلق، الحمد لله أنا كويسة، وإن شاء الله اللي عندي له حل. أنا بس حسيت إن الوقت جه إني أشارك الوحش زي ما بشارك الحلو.. مش أكتر”.
من جانبه، كتب أحمد زاهر عبر الخاصية القصصية في حسابه على انستغرام منشوراً جاء فيه:”يارب أنت الشافي يارب”.
يمكنكم نشر مقتطفات من المقال الحاضر، ما حده الاقصى 25% من مجموع المقال، شرط: ذكر اسم المؤلف والناشر ووضع رابط Aghani Aghani (URL) الإلكتروني الذي يحيل الى مكان مصدر المقال، تحت طائلة تطبيق احكام قانون حماية الملكية الفكرية.
