شهد الوسط الفني في الساعات الماضية أزمة بين ريما الرحباني إبنة سفيرتنا إلى النجوم فيروز والموسيقي اللبناني عمر الرحباني ما أثار حالة من الجدل بين المتابعين.
بدأت القصة عندما نشرت ريما الرحباني مقطع فيديو على حسابها الرسمي على منصة “فيسبوك” وجهت فيه رسالة لعمر الرحباني تضمنت كلامًا غير لائقٍ حيث كتبت : “في تيُوس ما بدّا تِفهم ولا بأَي شَكل! إِي بَان تَامْبِي بُور إِلْ! تيُوس جايي مبَكّلة الصحافة والإعلام ومحَضْرا الأرضية لإنّها توصَل وتضَل فايْتة بيدون حتّى ما تدِق الباب!! شو هيدا ولوه!!”
تابعت : “وفي مؤَلّف موسيقي قال! بالحقيقية ما بيألّف نو، بيشلّف موسيقى لغَيرُه، هيك صار المؤَلّف الموسيقي!!؟ والله مش قليل ما كِنت بعرِف؟ إنّو صار يُسمَّى مؤَلّف أي واحد بيدِق بيانو!!!! شي غريب!”
اضافت:” بس إنّو شو هالمؤَلّف اللي بيِتصَوَّر هيك صُوَر!! بَاردُون شو غلاف الشَبكِة نِحنَا!؟ وعا خَلفيّة مُحاوَلة جسر القمر!!! قوم يا” .
استكملت :” شوف يا مينور حِل عن موسيقى الجِسر، شو إلَك فيها إنتَ!! ماكسيموم عالكورنيش تنَقَّل! جِسر بفَرْد مرّة!!؟ وحتَّى مش كورنيش طريق فَرعِي بزيادة، جسر القمر قال!! يه يه يه.
كِلّكُن عينكُن بالمَقطوعات اللي إشتَغَلُن زياد؟ او فيروز؟ رح تمُوتوا رح تِنفِجروا! بعرف. بس شو إلكُن فيهُن إنتو؟ تا تشَوّهُوهُن بهَالشَكل! إنتَ وعمَّك شو إلكُن فيهن؟ وبِ أيَّة حَق؟ بس لأن إسمكُن رحباني يعني؟ والله حاغة!! أوّل شي شو جابْكُن لزياد إنتو؟ هاي أوّلاً، تانيًا، لا عَينُو، فيروز هول أعمَالا إنتو مين؟ مين؟ مين تكُونُون؟ خلِصْنا بقى!! سا سُوفِّي! لا قادرين تألّفوا ولا قادرين تلحّنوا، شو ذَنبْنا نِحنا؟ فِكِركُن تعِيشوا عا إِرث غَيركُن فهِمنَا! بس تشوّهوا هَالإِرث وتبيعوا كروتة حفلات وتغِشُّوا العالم عا ضَهرُو!!”
واستطردت:” لاء طويلة كتير عا رَقبِتكُن كتير. اذا ما قادرين تألّفوا مش مِشكلة، بيعوا أدوية، أو إفتَحُوا مطعم! فيكُن تِحيُوا إرث العَيْلة بالطبخ! بطاطا متبّلة، كوسى بحَرْ، طريدة، عرِفتْ؟ هول ترايدمارك رحباني ومُهِم ما يُنقُرضوا كمان! هول إرث إم عاصي، تيريز، وسلوى وهيكي! والأكل بِيعَيِّش كمان! أمّا إِرث الأخوين فا حلُّوا عنّو كُلِّياً فهِمت يا مينور؟؟
هو الماجور وإنقَرَض تا إنتَ مينور وأنْجأ تِتعَربَش عا شي خالِص مخَلّص؟ نو، حِل عن جسر القمر وعن كل إرث الأخوين وزياد فهِمت؟ كُليًا”
اختتمت ريما الرحباني منشورها :” بعدين عم تِحكي وتِتنَبَّأ وبكل ثقة، إنّو الأخوين كانوا رُضيوا عنَّك وعِملوا مِتلَك؟ ولاه شو عرَّفَك بالأخوين إنتَ؟ تا تَعرِف شو كانوا عِملوا!!!!!! إنت جِدَّك مِش حتَّى خَيْ جِدَّك، نو نو جِدَّك إنتَ لو شافَك بَس كيف واقِف بهالصورة، كان حكاك كلمتين عا جنَب، قبِلمَا يِسمَع شو عامِل بجسر القمر!! وهاد جِدَّك!! كيف خَيْ جِدَّك!! يا بُووووطِلْ
إءْ إنتِبِه لحالَك منيح. وهيدا كلام صالِح مِش بَس هلّق نو،
لأبَد الآبدِين. كابّيش؟ إي
وسَعِيدِي”
لم تمر الرسالة مرور الكرام، فقد جاء ردّ الموسيقي عمر الرحباني بطريقة مختلفة تماماً، ومن دون الدخول في سجال مباشر أو التعليق على كلامها حرفياً.في التفاصيل نشر عمر منشوراً على إنستغرام لمعزوفة موسيقية حمل عبارة «I Love Casiotone AT-400 / Part – 1»، قبل أن يختم العمل بنغمات أغنية السيدة فيروز «يلا تنام ريما»، في تفصيل بدا لافتاً في توقيته، خصوصاً أن اسم ريما كان حاضراً بقوة في المنشور الذي أثار التفاعل
وبعيداً عن أي تعليق مباشر، اختار عمر أن يترك الموسيقى تتولى مهمة الرد، مقدّماً إشارة مواربة تحمل أكثر من قراءة، وكأن النغم هذه المرة قال ما لم يُرَد قوله بالكلمات. أما اختياره «يلا تنام ريما» تحديداً، فكان كفيلاً بإضافة طبقة أخرى من المعنى إلى المشهد، خصوصاً أن الأغنية ارتبطت بصوت السيدة فيروز وباسم ريما في الذاكرة الفنية الرحبانية.
وهكذا، بدلاً من الدخول في سجال علني، اكتفى عمر الرحباني بمساحة موسيقية تحمل توقيعه، وترك للجمهور مهمة قراءة الرسالة بين النغمات، في ردّ بدا هادئاً في شكله، لكنه شديد الدلالة في توقيته.
يمكنكم نشر مقتطفات من المقال الحاضر، ما حده الاقصى 25% من مجموع المقال، شرط: ذكر اسم المؤلف والناشر ووضع رابط Aghani Aghani (URL) الإلكتروني الذي يحيل الى مكان مصدر المقال، تحت طائلة تطبيق احكام قانون حماية الملكية الفكرية.
